Filipi 2:8 - Iaai Bible 1901 (New Caledonia)

⁸ ke adre wâ e helâ me bongon at, ke e ame ka ohnyikânâ e bi, me long hoton ke ne o but ka hnyi mok, eke, wale mok hon satauro.

Filipi 2:8 Iomraidhean Croise

Salamo 22:16

Anyin a hia but igigili nya hnen ta je kuli; A hia but theling nya hnen je deo at ae kong: Me dâ li hnyamok me li hnyeûcak.

Ta je Vejec 15:33

Haba at ot kö Iehova, me wale hna ûne hnen metâ; Ame bân hwakecin ae ûhnyûkong, me biliny bi hna ogânâ.

Mataio 17:2

me e ame ke bongon dut hnyi hnyimaködrin: ke ame hadröngöc hnyimakan helâ me seûno, ke hau anyin je ûkhaû helâ me melâm.

Mataio 26:39

Me e ame he ka hnyi dok ae hakekeny, me ta ju hnyikânâi, me hic, me ha, ka habe, Cica lö, a ne ca pason, ö u ohia but utk… eang gak: ke so bi e ca hamök, ke ka… mâm bi.

Mataio 26:42

Ke e ame he hmetu ka hic me ha, ka habe, Cica lö, a ne ca khana he ka hia but utköiö eang, iny ka ca ijem, ânyâ thö wem.

Luka 9:29

Ke e ame tiga hic, me ame ke bongon dut hnyimakan, kʼ ame hau me hadröngöc ûkhaûen.

Ioane 10:18

E ba at ame hûgûnâ e gak, ke inya oge me ham ka ûnyi gak. E hu man gak he ka ham e, ke hu man minya gak he ka hom hmetu. Wale hnanyibu oge me kap ûnyi ga Cica.

Ioane 14:31

ke ba anyin ûnyi ûnyi gak: ke so bi me me wâ thö hmeledrany a inya oge me hnyok ka Kamen, ke oge me mâdrâ helâ me hnen Kamen hna hûna könya. Todrö, otin e he thö eang.

Ioane 15:10

Öbun e ne vheno anyik ta je hnanyibu, öbun e he ka tet hmâ hnyi anyik ibetengiö; helâ me inya oge me vheno hnanyibu anyi Cica me oge me tet hmâ hnyi anyin ibetengiö.

Ioane 4:34

Haingö Iesu ködrin, ka habe, Walang ok, a oge me he ka mâdrâ weny at a kunö nya, me umo anyik huliwa.

Ta je huliwa 8:33

Hnyi ûen hna oûhnyûkongoâ e adre hom gan anyin hna owisa: Ke ie at ame he ka omanenâ anyin dö? Anyin adre hom anyin möt ûheny ang hmeledrany.

Roma 5:19

Anyin ae kong ut tavat ae se hia ûnyi ge ca ûling anyin at a khaca, helâe minya adre me he ka haiwisa tavat ae se hia hnen ûling anyin at a khaca.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Deuteronomi 21:23

kʼ ame ca he ka hnen unyin hon ûö hnyi hnyinghet, ke u me he ka konâm e hnyi bong eling; anyin a hnaûhangö ka Khong at adre uhno; me u me ca he ka okongoâ kânâm kânâ hnö Iehova Khongom hna ham köu me em.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 12:4

Öbun tiga ca hia but hagutâ ke ne o but ame hingölö dröbun hnyi hnöbun hna hagutâ hulo:

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;