Filipi 2:3 - Iaai Bible 1901 (New Caledonia)

³ ca ânyâ ke ûnyi hoton ihunyinköu, me bi gan, ke so he ka ve hu hnyok ae hnyikânâ, me ve ogânâ ke at me ke at;

Filipi 2:3 Iomraidhean Croise

Ta je Vejec 13:10

Ame oâ iwatretra ge bigan Ke hu metâ ge tavat adre me kap ûhnenamö ae so.

Luka 18:14

Inya oge me ha köbun ame he but at ang ka hnyi umen uma, ke adre haiwisa e hon at eji: anyin adre me he ka oûhnyûkongo at ame ogânâ e; ke adre me he ka ogânâ at ame Öûhnyûkongoâ e.

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

Roma 2:8

ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

I. Korinito 15:9

Anyin a inya ang at ae ti ûhnyûkong hnyi ta je aposetolo, ke ca ûcû he ka hawo nya me aposetolo, anyin a oge me ovecâ ekalesia anyin Khong.

I. Korinito 3:3

anyin a öbun tiga aten unyin: anyin a e unyibun ihunyinköu me iwatretra, hawa, ca aten unyin bi öbun, kʼ öbun e he helâ me hwakecin at bi?

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Galatia 5:15

Ke öbun e ne ûhûlû, me ûönöbunköu, ö ʼbun âu, wâ öbun nye he ka ûohiöbunköu.

Galatia 5:26

Ca he öta ka weta lung baû, me ûhmönyinköu, me ihunyinköu.

Efeso 4:2

me hnyok ae hnyikânâ ke menyik, me hokhnyok ae beû hmâ, me ve hokhnyok bi hnyi ibetengiö;

Efeso 5:21

ke ûlingköu öbun ju hnyi ot ka Keriso.

Filipi 2:14

Ânyâ thʼ öbun ta je ûnyi hia ke ca ulit me ca iwatretra;

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

Kolose 3:8

Ke walang ang degec ut gabun ta je ûnyi eang, wale hmonyin, me wathethot, me hnyok ae kong, me û, me hofuc ûjao ûnyi hnyi je hnyimöbun;

I. Timoteo 6:4

awe, e ame bi gan, ke ca khana bi ke ûnyi, ke e ame moko hna ivinö me iwatretra ge ta je hofuc, wale at ame okûâ ihunyinköu, me iwatretra, me ûjao, me ûnykûme monoâ,

I. Peteru 3:8

Walang obiny, e so öbun e he hia ka tha hnyok, me vec betenge, me tha hnyok helâ me je liamekeiny, me sang betenge, me hnyok ae hnyikânâ:

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.