Filipi 2:16 - Iaai Bible 1901 (New Caledonia)

¹⁶ me ogöranyâ hofucin möt; me me hu gak hnân hobelöu hnyi bong bongon Keriso, waleji ge hnok hna ca wadring baû, me huliwa baû.

Filipi 2:16 Iomraidhean Croise

Salamo 40:9

Oge hia but khetâ hwakecin ae wisa hnyi ûkhacaköu ae gan; Wâ bi, oge me ca he ka behânâ li esongodik, E manen köu e, Iehova.

Salamo 71:17

Khong lö, u je hia but nö nya hwân kʼ iny tiga hidröu; Ke oge hia but omanenâ ke ne o but walang ang ânyâm ta je huliwa hnân lâiâ.

Isaia 49:4

Ke haingök, ka habe, Oge hia but huliwa baû, ke a dit ut hwegiök, ke ba troban ke ûnyi baû bi: ke so bi, e hnathu, hamö Iehova be ka owisa könya, ke e unyin Khonguk hwabök bi.

Mataio 10:27

Haba ûnyi oge me ha köbun hnyi menekholom, ha thʼ öbun hnyi melam: ke haba hnobun hna long ge je hnyikönyöbun, khetâ thö hon ban je uma.

Luka 12:8

Ke inya oge me ha köbun, ka habe, Haba at ame he ka haiö nya hnyi hnyimakan tavat, me ame he Nokon at ka hâiâ e hnyi hnyimakan ta je angela anyin Khong:

Ioane 6:63

Haba at ame omelö, me hanu; ke ca ûnyi hnathu bi unyin: haba ta je hofuc oge hia but ha köbun, wale hanu me möt.

Ioane 6:68

Haba Simona Peteru ame thu kâu, ka habe, Than lö, ohmun e he ka he ko ia? e thibi gam je hofucin möt ame ca ba balua.

Ta je huliwa 13:26

Hnyat me lakeiny lö, je lakon je mâtrâni Aberahama, me tavat adre me outen Khong unyibun, adre kunâ köta hofucin ûhomeli ang.

I. Korinito 1:8

wale at ame he ka otethmʼ öbun ke ne o but obiny, me me ba hnân haikongu öbun hnyi bong bongon Tuhöta Iesu Keriso.

I. Korinito 9:26

Ke inya oge me wadring helâe, ca hnyi loloâ bi; inya oge me vat helâe, ca helâ me at ame kot ang:

II. Korinito 1:14

helâ me keihen gabun adre me ogʼ öhmun ehac, ka habe, a öbun e hobeluâ gahmun, helâ me hnöhmun hna hobeluâ gabun, hnyi bong bongon Tuhöta a Iesu.

Galatia 2:2

Ke oge me he hoton hna omanenâ; me thumetu ödrin ge evangelia, oge khetâ ka Aten ke je hnyei; ke oge me ha duöngâ ka hnyat ae lung, wâ e nye ûnyi baû but wadring a inya, me hnok hna wadring ehac.

Galatia 4:11

Inya oge me ot gabun, wâ e nye ûnyi baû anyik huliwa köbun.

Filipi 1:10

mʼ öbun e he ka haisoâ ta je ûnyi ae so; mʼ öbun e he ka hnyok hnathu, ke ba hnyikongon gabun ke ne o but hnyi bong bongon Keriso;

Filipi 1:6

ke oge me wâ cicöâ ûnyi eang, a haba at ame ibi hwân huliwa eû hnyi je hnyekubun, me ame he at eling ka obekhötâ e ke ne o but hnyi bong bongi Iesu Keriso:

I. Thesalonika 2:19

Anyin a ieû anyihmun geju, me senyin, me koronainy hobelöûî Ca öbun bi hnyi hnyimakan Tuhöta Iesu hnyi ûen e ame he ka manen hmetu?

I. Thesalonika 3:5

Can thibi e, ke ca khanö nya hmetu bi he ka hok hnyok, me oge ûkhûnöng he ka wâ anyibun labageju, wâ e nye cubic öbun hnen at ûcûbic, me ame he ka ûnyi baû but anyihmun huliwa.

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

I. Peteru 1:23

anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Ioane 1:1

HABA ûnyi ae ûnyi hnyi can waleji öhmun e löng me wâ ge je emaköhmun, me wâ hmâ, me kâlâ ge je hnyamöhmun, hnyi Hofucin Möt

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.