Filipi 2:12 - Iaai Bible 1901 (New Caledonia)

¹² Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

Filipi 2:12 Iomraidhean Croise

Ezera 10:3

Ke walang ang, otin e he ka ânyâ ûhihinyköu me Khongutin he ka degec laôiöhmun me je lakudrin, helâ me hwâm hofuc than, me tavat adre me öbubuny ge hnanyibu anyin Khongutin; ke adre me he ka ânyâ hoton hnanyibu.

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Salamo 2:11

Bi athnyaba ju kö Iehova me ot, Ke senyin dö me öbubuny.

Ta je Vejec 10:16

Haba huliwa anyin at ae wisa, me ame oâ möt; Ke haba troban at ae monu, me hulo.

Ta je Vejec 13:4

Ame weny hnen hnyekon ūsēnyin, ke ba bi: Kʼ ame he ka pipikhenya at ae hwege huliwa.

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Mataio 11:12

Ke hwân hnyi ta je bong bongu Ioane Bapataiso ke ne o but walang ang, adre me ûhûgûnö dokhon drany, ke ame hûgûnâ e hnyat ae hwege.

Mataio 11:29

Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

Ta je huliwa 16:29

Me e ame ie hongot he ka hom je okûnû, me wadring ka hnyin uma, kʼ ame ta öbubuny hnyi hnyimakö Paulo me Sila,

Ta je huliwa 9:6

todrö, be thö ka hnyi taun, ke adre me he ka ha köu hanymâm he ka ânyâ.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

I. Korinito 2:3

Ke inya unyibun hnyi sēnyin, me ot, me öbubuny ae gan hmâ.

I. Korinito 4:14

Oge me ca sit ta je ûnyi e he ka ohmehmʼ öbun, ke so bi he ka nʼ öbun helâ me lakuk a oûnykûmik.

II. Korinito 7:15

Ke e ame ti hnyok gan hmâ köbun, me ûnykûme anyibun ûling hia, me hnobun hna ot, me öbubuny hnyi hna kap e.

Efeso 6:5

Haba öbun je athnyaba, long ju hoton tavat adre me musi öbun hnyi unyin, ge ot me öbubuny hnyi hnyekubun ae hnathu, helâ me ka Keriso;

Filipi 1:27

E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

Filipi 1:5

anyin a öbun e tha hnyok hnyi ûthumetu ae so, hwân hnyi bong a bân ke ne o but walang ang;

Filipi 1:6

ke oge me wâ cicöâ ûnyi eang, a haba at ame ibi hwân huliwa eû hnyi je hnyekubun, me ame he at eling ka obekhötâ e ke ne o but hnyi bong bongi Iesu Keriso:

Filipi 2:19

Ke oge me geju ka Than Iesu, a oge me he ka ie kunö Timoteo köbun, me me kahwa thö hnyekuk e ka manen könya bongubun.

Filipi 4:1

ANYIN a wale hnyat me lakeiny mönya lö, laoûnykûmik me wek, hnok hna senyinâ, ke anyik minya korona, tethmâ ju öbun helâe hnyi Than, laoûnykûmik.

Filipi 4:15

At Filipi lö, e khanʼ öbun a hnyi hna hwân dö ûthumetu ae so, waleji oge he ûhek Makedonia, me ba ekalesia ame betenge gak, wale he ka ham me kap ta je ûnyi, ke hake öbun thibi;

I. Thesalonika 1:3

me ca menâ ûnykûme anyibun huliwa hnyi labageju, me huliwa hnyi ibetengiö, me hokhnyok hnyi gejon ka Tuhöta Iesu Keriso hnyi hnyimakan Khong a Kamöta;

II. Timoteo 2:10

Anyin a wale, inya oge me hokhnyokâ ta je ûnyi hia hobi kâu tavat adre ûca, me me hu minya thö kodra möt a e unyin Keriso Iesu, tha e me hmanenang ame ca ba balua.

Heberu 12:1

ANYIN a wale ame tet igigili öta tavat ohnatho a ödra se hia, me so ate me he minya ka hna degecâ ta je hmak hia, me hulo, wale at ame ohveli öta, ke ate me he ka wadring me hokhnyokâ ûölogot a e hnyi hnyimaköta,

Heberu 4:1

ANYIN a wale e hu but gata hna ha bânâ he ka dit ka hnyi hnen hna menâ, me so ate me he ka ot, wâ e nye ca ûcû bi keihen gabun.

Heberu 4:11

Anyin a wale e so ate me hwege he ka dit ka hnyi hna menâ eling, wâ e nye û but ke at e ka he ka ûcûcubongo ca ûling eling.

Heberu 5:9

ke adre me obekhötâ e, me adre me wia e hnân hwecin möt ame ca ba balua kodra hia adre me long kâu;

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.