Filipi 2:11 - Iaai Bible 1901 (New Caledonia)

¹¹ me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.

Filipi 2:11 Iomraidhean Croise

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 18:49

Anyin a wale oge me he ka oleâ köu Iehova, hnyi wanben ta je hnyei, Me khumöng olungo iâm.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Mataio 10:32

Anyin a wale, haba at ame he ka haiö nya hnyi hnyimakan tavat, me oge me he bi nya ka hâiâ e hnyi hnyimakan Kamök ethö hnyi drany.

Luka 2:11

anyin adre hnokoâ hobi köbun hnyi bong ang hnyi taun anyi Davita, At ûhomeli, wale Keriso a Than.

Ioane 12:42

Ke so bi e se hia ta je taben adre me labageju kâu; kʼ adre me ca ha manenâ bi, can ta je Faresaio, wâ adre nye obʼ ödra but ûnyi hnyi sunago:

Ioane 13:13

Öbun e hawo nya, ka habe, At ûne me Than: ke so hnobun hna ha, anyin a eke.

Ioane 13:14

Oge ne Than me At ûne, ke oge hia but osûâ je li cabun, me ûcû köbun he ka ûösûâköuâ je li cabun.

Ioane 14:13

Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

Ioane 17:1

IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Ioane 20:28

Haba Toma ame thu kâu, ka habe, Tuhok me Khonguk.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Ioane 9:22

Ame ha kamen me hinyen helâe anyin a ödru outen at Juda; anyin ame ûhaköuâ at Juda he ka obâ ûnyi hnyi sunago at ame he ka ha, ka habe, E Keriso.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Ta je huliwa 2:36

Anyin a wale, e so e he lap anyi Isaraela hia ka wâhmakhmeto a gʼ ame hia but Khong wia Iesu at öbun e osatauroâ me me Than me Keriso.

Roma 14:11

Anyin adre hia but sihnalimen, ke habe, Haingen Than, ka habe, Kia inya inya, a gʼ adre me he hia ka ciboucâ könya Kʼ ame he ta je bohmen hia ka ve ogânâ Khong.

Roma 14:9

Anyin a mokcu Keriso ke möt hmetu thö, me me he ka Tuhan tavat adre mokcu me tavat miny; ae möt.

Roma 15:9

me me he Aten ta je hnyei ka ogânâ Khong can anyin ibetengiö baû, helâ me hna sihnalimen, ka habe, Wale me inye he ka oganö u hnyi wanben Aten ta je hnyei, Me khumöngö iâm.

I. Korinito 12:3

Anyin a wale, inya oge me thumetu öbun a gʼ ame ca fuc ûnyi ge Hanon Khong at ame ha, ka habe, anathema Iesu; ke ba at ae khana he ka ha, ka habe, Iesu thibi Than, ke so bi ûnyi ge Hanu Kap.

I. Korinito 15:47

Ûnyi eang hmeledrany at a bân, aten kânâ: ke ûheny hnyi drany at a loiny.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.

I. Ioane 4:15

Haba at ame he ka ha, ka habe, Iesu Nokon Khong, me Khong ame laba eû hnyin, ke e bi eû hnyi hnyekon.

I. Ioane 4:2

Hnen ûnyi ang öbun e wâhmakhmetoâ Hanon Khong: haba ta je hanu hia adre me ha, ka habe, a o but Iesu Keriso hnyi unyin, me wale hanu ûnyi ge Khong:

II. Ioane 1:7

Anyin ae se hia tavat iyawo eang hmeledrany, hnyat adre me ca hmehmelâ a ga o Iesu hnyi unyin. Haba at eling ame omono, ke iwahnaihmiony me Keriso.

Hna Omanenâ 3:5

Haba at ame ton, me adre me he bi ka okhaûâ helâe ge je ûkhaû ae hau; ke oge me ca he ka kot degecâ ien hnyi tusiny möt, ke oge me he ka ha ien hnyi hnyimakö Cica, ke hnyi hnyimakan anyin ta je angela.