Filipi 1:6 - Iaai Bible 1901 (New Caledonia)

⁶ ke oge me wâ cicöâ ûnyi eang, a haba at ame ibi hwân huliwa eû hnyi je hnyekubun, me ame he at eling ka obekhötâ e ke ne o but hnyi bong bongi Iesu Keriso:

Filipi 1:6 Iomraidhean Croise

Salamo 138:8

Ame he Iehova ka obekhötâ hobi könya: Iehova lö, nyiele balua ânyâm ibetengiö; Ca hna degecâ bi ta je huliwa anyin li hnyamâm.

Ioane 6:29

Iesu ame thu ködra, ka habe, Walang huliwa anyin Khong, ka habe, öbun e he ka labageju ka at a kunâ.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 16:14

Ke ame ling ohmun hnen ke momo Lidia ien, at ame ûcû mano ae udrudrâ hlit, aten taun a Thuataira, at ame hmi ka Khong: ke haba Than ame khong ut hnyekon he ka long ta je hofuc ame ha Paulo.

I. Korinito 1:8

wale at ame he ka otethmʼ öbun ke ne o but obiny, me me ba hnân haikongu öbun hnyi bong bongon Tuhöta Iesu Keriso.

II. Korinito 1:15

Ke hnyi labageju eling, oge me ûnykûme he ka o köbun ehac, me me lo anyibun li so;

II. Korinito 2:3

Ke oge me sihnalimen ûnyi eling, wâ e nye hmak hnyekuk ûnyi ge tavat ae ûcû he ka osenyini nya, iny ka o; ke oge me geju köbun hia thithö, a haba anyik sēnyin, me anyibun minya sēnyin hia.

II. Korinito 7:16

Inya oge me sēnyin anyin adre sihwegiâ hnyekuk gabun hnyi ta je ûnyi hia thithö.

II. Korinito 9:4

wâ oge nye o me keihen at Makedonia, me wâ a ga ca penapena ju öbun, me öhmun e he bi ka hmehma (ke ti e bi gabun) hnyi hna hobeluâ eling.

Galatia 5:10

Inya oge me labageju öbun hnyi Than, a öbun e ca he ka webun ke ûnyi: ke haba at ame ovheli öbun, me ame he ka o kâu hwaban, kʼ adre me ca he ka wâhmakhmetoâ at.

Efeso 4:12

hnân he ka owisa wakap, me he ka hom hadruâ huliwa, me he ka op tavat goranyai unyin Keriso:

Filipi 1:10

mʼ öbun e he ka haisoâ ta je ûnyi ae so; mʼ öbun e he ka hnyok hnathu, ke ba hnyikongon gabun ke ne o but hnyi bong bongon Keriso;

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

Filipi 2:12

Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Filipi 2:16

me ogöranyâ hofucin möt; me me hu gak hnân hobelöu hnyi bong bongon Keriso, waleji ge hnok hna ca wadring baû, me huliwa baû.

Kolose 2:12

ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok.

I. Thesalonika 1:3

me ca menâ ûnykûme anyibun huliwa hnyi labageju, me huliwa hnyi ibetengiö, me hokhnyok hnyi gejon ka Tuhöta Iesu Keriso hnyi hnyimakan Khong a Kamöta;

II. Thesalonika. 1:11

Waleling mʼ öhmun e hic bala hobi köbun, me me he Khonguta ka haöûcû öbun ka hnyi hna hawʼ öbun kâu, me obekhötâ hneû man ta je weny ae so, me ta je huliwainy labageju;

II. Thesalonika. 3:4

Ke öhmun e labageju ka Than gabun, a öbun e ânyâ walang, ke öbun e he bala bi ka ânyâ ta je ûnyi öhmun e hûna köbun.

Filemona 1:21

Oge me set köu, anyin oge me labageju u me he ka ling nya, ke e khanö nya a u me he ka ânyâ nua hon hnok hna ha.

Heberu 10:35

Anyin a wale, ca degec bi tang hwegi öbun, wale ae hu hwaban ae gan hmâ hnyin.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.