Filipi 1:19 - Iaai Bible 1901 (New Caledonia)

¹⁹ Anyin ae khanö nya, a haba ûnyi eang, me ame he ka obiny ka hnyi anyik jmöt, hnen hijibun hic, me hna ham Hanu Iesu Keriso,

Filipi 1:19 Iomraidhean Croise

Ta je huliwa 16:7

ke ödrin e o but cicö Musia, me ödrin e ûnykûme he ka he Bithunia ai; ke ame ca hnʼ ödrin bi Hanu Iesu;

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

Roma 8:9

Ke öbun ca aten bi unyin, ke ta je aten bi hanu, a ne eû hnyi hnyibun Hanon Khong. Ke a ne ca hu bi ge ke at Hanon Keriso, ca aten bi at eling.

I. Korinito 4:17

Can e oge hia but kunö Timotheo köbun, wale nokuk, a oûnykûmik ke at ae hnathu ka Than, ke e ame he ka oûnykûmi öbun ge je hwakecik hnyi huliwa anyin Keriso, helâ me oge me nâ je ekalesia hnyi je dok hia.

II. Korinito 1:11

kʼ öbun e hnyi hadruâ ûnyi ge hic hobi kohmun; me me ole minya tavat ae se hia hobi kohmun, hnyi ibetengiö kohmun a deny tavat ae se hia.

Galatia 3:5

Anyin a wale, haba at ame ham köbun Hanu, me ânyâ ta je huliwa ae man unyibun, hawa, ame ânyâ e hnyi je huliwa hnyi hnanyibu, ke ame ne ânyâ hnen long hnyi labageju?

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

Filipi 1:18

Ke ieû? adre me khetâ Keriso hnyi ta je deny hia, ame ne ûnyi hnyi bihihwakecin, kʼ ame ne ûnyi hnyi hnathu; waleling mʼ oge me senyin, eke, me oge me he ka senyin bala.

I. Peteru 1:11

adre me elâm ûen me bongon e waleji a hnen Hanon Keriso eû hnyi je hnyekudrin hna kû, waleji hnyi hnen hna haimemenâ bânâ ta je vec anyin Keriso, me je hmanenang ame he ka hnu hoton.