Filipi 1:18 - Iaai Bible 1901 (New Caledonia)

¹⁸ Ke ieû? adre me khetâ Keriso hnyi ta je deny hia, ame ne ûnyi hnyi bihihwakecin, kʼ ame ne ûnyi hnyi hnathu; waleling mʼ oge me senyin, eke, me oge me he ka senyin bala.

Filipi 1:18 Iomraidhean Croise

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mareko 12:40

a hnyat adre me utâ je uma umen je safac, ke hic beû hmâ hnân iyawâ; ame he ka hu ka hnyat eling hnaûhango ae ti gan.

Luka 9:45

Ke ödrin e ca wâûnykûme bi hofuc eling, ke adre oiyongâ ködrin, wale me me ca khanʼ ödrin: ke ödrin ot he ka hnö e ge hofuc eling.

Luka 9:50

Ke haba Iesu ame ba kâu, ka habe, Ca thawâ bi e: anyin a haba at ame ca iwahnaihmiony möbun, ame tha hien möbun.

Roma 3:9

Ke hawa, e kong hnöhmun ke so bi hnödra? Ohe, e ba; anyin ate hia but owisa a tha at Juda me at Heleni hia hmelen hulo;

Roma 6:15

Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe.

I. Korinito 10:19

Ieû oge me he ka ha? Hawa, e ûnyi hnathu ûnyi adre bi hut ka hnatheat? ke ûnyi hnathu hnatheat?

I. Korinito 14:15

Ke ame he ka hawa? Oge me he ka hic ge hanu, ke oge me he ka hic ge hna ûnykûme minya: oge me he ka khumöng ge hanu, ke oge me he ka khumöng ge hna ûnykûme minya.

I. Korinito 15:11

Ke ame ne inya, kʼ ame ne ödrin, ohmun e khetâ helâe, ke öbun e kap minya helâe.

Filipi 1:19

Anyin ae khanö nya, a haba ûnyi eang, me ame he ka obiny ka hnyi anyik jmöt, hnen hijibun hic, me hna ham Hanu Iesu Keriso,