Filipi 1:16 - Iaai Bible 1901 (New Caledonia)

¹⁶ haba ke keihen, me adre me ânyâ e hnyi ibetengiö, anyin ae khanʼ ödra a gʼ adre ip nya hnân otilâ ûthumetu ae so:

Filipi 1:16 Iomraidhean Croise

Jobu 16:4

E khanö nya minya he ka fuc helâ möbun; A ne laba hanubun hnyi hnen hanuk, E khanö nya he ka ûhûjâköuâ je hofuc köbun, Me nyinyikâ bök köbun.

Jobu 6:14

A ne he but at ka mok, me so ame he hanen ka betenge gan; Wâ e nye he ka hna degecâ outen Ataekhanahia.

Salamo 69:26

Anyin adre me ovecâ at u je hia but kot; Ke adre me ûhnenamö ge tenge anyin tavat u je hia but oaatâ.

I. Korinito 9:17

Anyin oge ne ânyâ ûnyi e ge hnyekuk, e hu but könya hwaban: ke e ka ca ânyâ hnen hnyekuk, adre me hna könya hanymök.

II. Korinito 2:17

Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.

Filipi 1:10

mʼ öbun e he ka haisoâ ta je ûnyi ae so; mʼ öbun e he ka hnyok hnathu, ke ba hnyikongon gabun ke ne o but hnyi bong bongon Keriso;

Filipi 1:12

Hnyat me lakeiny lö, e wek öbun e he ka khana, a haba ta je ûnyi a o könya me adre hia but wia me hnân okûâ ûthumetu ae so;

Filipi 1:5

anyin a öbun e tha hnyok hnyi ûthumetu ae so, hwân hnyi bong a bân ke ne o but walang ang;

Filipi 1:7

ke e wisa könya he ka ûnykûme köbun hia, anyin a öbun dut eû hnyi hnyik, ke öbun hia öbun e tha hu mönya ibetengiöʼ baû, hnyi hna cö nya, me hnyi hna otilâ me ohmâ ûthumetu ae so.

Filipi 2:22

Ke e khanʼ öbun hnathuiny, a e ame tha huliwa mönya hnyi ûthumetu ae so, helâ me nokon ka kamen.

Filipi 4:15

At Filipi lö, e khanʼ öbun a hnyi hna hwân dö ûthumetu ae so, waleji oge he ûhek Makedonia, me ba ekalesia ame betenge gak, wale he ka ham me kap ta je ûnyi, ke hake öbun thibi;

Filipi 4:3

Eke, oge me sumatö u minya at ame hadruo nya hnathu nya, ka habe, hom hadruâ thö omomo tavat adre me tha huliwa mönya hnyi ûthumetu ae so, me jia Kelemene minya, me keihen tavat adre me tha huliwa mönya, a eû hnyi tusiny möt je iödra.