Daniela 9:7 - Iaai Bible 1901 (New Caledonia)

⁷ Than lö, e unyâm wisa, ke e unyihmun hmehma, helâ me hnyi bong ang; wale a at Juda, ke at Jerusalema, ke at Isaraela hia, a tavat hakekeny ke sâkâu, hnyi je hnyei hia waleji u je obʼ ödra ka hnyin, can hnödra hna hanyâûâ waleji adre hanyâûâ gam.

Daniela 9:7 Iomraidhean Croise

Ezera 9:13

Ke hwaban ta je ûnyi hia ame o kohmun can hwakecihmun ae kong, me anyihmun hulo ae gan, anyin a u Khonguhmun u je bi hwaban ûhnyûkongo kohmun ke ca gan hmâ hoton anyihmun monu, ke u je ham kohmun ûhomeli helâng,

Ezera 9:15

Iehova lö, Khongu Isaraela, u wisa; anyin a öhmun thiju ang je kolon ae möt, helâ me hnyi bong ang: wâ ju, öhmun dut ang hnyi hnyimâkâm me hnyikonguhmun; anyin a can e e ca khana ke at he ka tot hnyi hnyimâkâm.

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Salamo 119:137

Iehova lö, u wisa, Ke wisa minya hnâm ta je hna owisa.

Salamo 44:15

Haba hna hom ûhnyûkongu nya, e bala bi hnyi hnyimakök hnyi je bong hia, Kʼ ame tubi nya hnen hmehmainy li emakök;

Salamo 51:14

Khong lö, Khongon melik, hnö nya but ûnyi hnyi dra a jönik; Me ame he bohmök ka khumöng ogânâ hwakecâm ae wisa.

Salamo 51:4

Oge hia but monu köu, köu thibi, Me ânyâ ûnyi ae kong hnyi hnyimâkâm, Mʼu me he ka wisa u ka ha, Ke so hnyi hnâm hna owisa.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 45:16

Adre me he hia thithö ka hmehma me hlohlo: adre me he ka he me tha monumonu, tavat adre me bi idola.

Jeremia 12:1

IEHOVA lö, u thibi at ae wisa, iny ka he ka ivino möu: ke so bi, oge me beûhnenamö möu ge hna owisa: ieû can ame sot gan gethen deny tavat ae kong? adre me laba so geû ödra hia adre me ti iyawo?

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Jeremia 3:25

E so ate me mokut hnyi anyita hmehma, ke so ame tubi öta hnen anyita hlohlo: anyin ate hia but ânyâ hwakecin ae kong kö Iehova Khonguta, öta me lakamöta, hwân kʼ öta tiga ûhnyûkong ke ne o but hnyi bong ang; ke ate me ca hia but long hofuc ho Iehova Khonguta.

Jeremia 32:32

can ta je hulo hia anyin lakon Isaraela, me lakon Juda, waleji adre me mâdrâ he ka ohmönyini nya, ödra, me latuhödra, me anyidra je taben, me anyidra tavat bihut, me anyidra je perofeta, me at Juda, me aten Jerusalema.

Jeremia 33:16

Hnyi je bong eling adre me he ka omeli Juda, ke ame he Jerusalema ka laba khötkic: ke walang ien adre me he ka hawâ, ka habe, Iehova wisaita.

Jeremia 4:17

Adre me he ka tot igigilo e, helâ me tavat hmâkâ ta hnyei; anyin a e ame ûkhin fuc mönya, haingö Iehova.

Jeremia 7:19

Hawa, adre me ohmönyini nya? haingö Iehova; ke ca ödra bi, me ame hmehma ta je hnyimakodra?

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Ezekiela 36:31

Ke öbun e he ka ûnykûme ta je hwakecibun ae kong, me hnobun je hna ânyâ ae ca so; ke öbun e he ka hûköti öbun bi hnyi hnyimaköbun bi can anyibun ta je hulo me hwakecibun ae ikiki.

Ezekiela 5:10

Anyin a wale ame he je kamen ka an jo lakudra hnyi wanbâm, ke ame he je lakon ka an je lakamödra; ke oge me he ka bi hwaban köu, ke oge me he ka oveseâ je kolon hia gam ka hnyi ta je ang hia.

Ezekiela 6:12

Haba at hnyi dok ae sâkâû ame he ka mok ge mok ae cap; ke haba at ae hakekeny ame he ka ta ge hele vat; ke haba kolon, wale adre thelöng ame he ka mok ge hmiâ: helâe oge me he ka ohwâdâ anyik hmonyin hudra.

Daniela 9:14

Anyin a wale, a hia but Iehova hmâkâ ûnyi ae kong, me ohwâdâ kohmun: anyin ae wisa Iehova Khonguhmun hnyi anyin ta je huliwa hia e ame ânyâ, kʼ öhmun e ca hia but löng ifucin

Daniela 9:18

Khonguk lö, tevehlöng ju me löng; hmak dö me wâ a ga ba but wan gahmun, me taun waleji adre wenyö kâu iâm: anyin a öhmun e ip anyihmun je khöû hnyi hnyimâkâm, ca anyin a öhmun wisa, ke ûnyi hnyi ânyâm ta je betenge ae gan hmâ.

Daniela 9:8

Than lö, e unyihmun hmehma, wale latuhöhmun, ke anyihmun je taben, ke lakamöhmun, anyin a öhmun e hia but ânyâ hulo köu.

Amosa 9:9

Anyin a wâ bi oge me he ka hûna, ke oge me he ka cubec lap anyi Isaraela unyin je hnyei, helâ me hna degec tiren hwit hnyi taben ûcûbic, ke so bi ame ca he ka kolu ke wan ae ûhnyûkong hnyikânâi.

Roma 6:21

Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Deuteronomi 4:27

Ke ame he Iehova ka ovesei öbun ka hnyi ta je hnyei, kʼ ame he ka wakhalet biju kolon gabun unyin ta je hnyei ame he Iehova ka lili öbun ka hnyin.