Daniela 9:3 - Iaai Bible 1901 (New Caledonia)

³ Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Daniela 9:3 Iomraidhean Croise

II. Samuela 12:16

Haba Davita ame elâm Kkong hobi kâu wanakat; ke Davita awe ca han, me didro, me mokut eû hnyi kânâ hnyi lit hia.

Ezera 10:6

Me Ezera ame todrö hnyi hnyimakan uma umen Khong, me he ka hnyi hnyeule anyi Johanana nöku Eliasiba, ke hnyi ûen e ame o but, e ame ca han me ic: anyin a e ame tenge gadrin ge hulo anyin je bâ.

Ezera 8:21

Ke oge me haimemenâ ûen he ka ca han eling hnyi wagewe Ahava, me hom ûhnyûkongi öhmun bi hnyi hnyimakan Khonguhmun, he ka elâm gan dehmun gethen ae wisa, me je wanakat gahmun, me anyihmun ta je ûnyi hia thithö.

Ezera 9:5

Ke hnyi ûen adre me hudo hnyi sahac, me oge me todrö ûhek hnyi anyik hmak, kʼ ame khekhe but ûkhaûik me anyik ûkot; me oge me cibouca, me hai li hnyamok kö Iehova Khonguk;

Nehemia 9:1

KE haba hnyi bong a twente foainy tehi ang ame ûkhacaköu thö lakon Isaraela me ca han, me mano ae gan nân, me konâm je bodrin ge kânâ.

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Jobu 42:6

Anyin a wale, oge me ikiki nya bi me ietra Hnyi sesâ me hnabadröu.

Salamo 35:13

Ke haba inya, me oge me khavâ ûkhaû ae gan nân hnyi ûen mok a ödra: Kʼ oge me hom ûhnyûkongo hanuk me ca han; Ke ame hmetu hijik hic ka hnyi ûlaik.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Ezekiela 36:37

Walang hna ha hnen Than Iehova, ka habe, Can ûnyi e, hamen lap anyi Isaraela he ka elâm unyik, he ka ânyâ hobi kodra; oge me he ka osehiʼ ödra helâ me hnahat mamoe.

Daniela 6:10

Ke e khanö Daniela but a gʼ adre set ut tusi, me e ame didro ka hnyi umen uma; (ke adre khong je mamalaminy hnyeuleny cico Jerusalema;) ke e ame ibi okun cibouca hnyi je bong, me hic, me ole hnyi hnyimakan Khongon, helâ me hnen bi hna labö khenenâ.

Daniela 9:2

haba hnyi huna a bâniny anyin musi, inya Daniela oge me wâhmakhmeto ge je tusi numerainy je buna, waleji ge ioiny hofuc ho Iehova kö Jeremia perofeta hnyin, me me he ka hwâdâ je huna a se ven ti waleji hnyi hna öba wan Jerusalema.

Daniela 9:20

Ke inya oge me tiga fuc, me hic, me omanenâ anyik hulo, me hulo anyin je liamekeiny mönya a at Isaraela, me ip gaga hnyi hnyimakö Iehova Khonguk anyik khöû hobi kâu bucen ae kap anyin Khonguk;

Daniela 9:4

Me oge me hic kö Iehova a Khonguk, me omanenâ, ka habe, Than lö, a Khong ae gan ke hna outen, at ame tuö ûhihinyköu me ibetengiö ka tavat adre me hnyok kâu, me vheno anyin ta je hnanyibu;

Joela 1:13

Tavat bihut lö, oweikʼ öbun ju, ke tenge; tavat huliwan taben hut lö, kuku tenge thö; lathnyabainy Khonguk lö, ai öbun, mokut hnyi lit hia hnyi mano ae gan nân: anyin ae ba hmetu hudiny han me hudiny ic hnyi uma umen Khongubun.

Joela 2:12

Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Jona 3:5

Ke haba at Nineve adre me kap Khong; me adre me haimemenâ he ka ânyâ ca han, ke adre me khavâ ec mano ae gan nân, hwân ge tavat ae gan ke ne o but houmonu.

Luka 2:37

ke e safac hnyi ta je huna a eite foa), e ame ca hnyi bia hnyin uma kap, kʼ ame bi athnyaba hnyi lit me lany, me ânyâ ca han, me labö khöû.

Ta je huliwa 10:30

Ke haingö Konelio, ka habe, Haba vak ta bong et ang, me oge me hic hnyi awa a naininy hnyi umök uma, ke wâ bi, ame tot ke at hnyi hnyimakök a khavâ ûkhaû ae hadröngöc,