Daniela 9:16 - Iaai Bible 1901 (New Caledonia)

¹⁶ Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Daniela 9:16 Iomraidhean Croise

Nehemia 9:8

ke u je wâ hnyekon ae wisa but hnyi hnyimakâm, me u je ûhihinyköu mē he ka ham kâu hnyei iny at Kanana, me Heth, me Amora, me Perizi, me Jebusi, me Girigasa, he ka ham ka je mâtrâniny, me ohwâdâ hwâm hofuc; anyin a u wisa.

Salamo 143:1

IEHOVA lö, long ju hijik hic; tevehlöng ju anyik je hwakhöû: Thu thö könya hnyi ânyâm hnathu, me hwakecâm ae wisa.

Salamo 31:1

IEHOVA lö, inya oge me labageju köu; iny na ca he ju ka hmehma: Omeli nya thö ge hwakecâm ae wisa.

Salamo 41:13

E so he ka haisoi Iehova, Khongu Isaraela, Hwân ehac balua ke ne o but nyiele balua. Amen, me Amen.

Salamo 71:2

Omeli nya ûnyi ge hwakecâm ae wisa, me uny nya: Tevehling nya ju, me omeli nya.

Salamo 79:4

Adre haikongu ohmun tavat adre me laba kakekenyi ohmun, Adre me ûtuböny me hluma hnen tavat adre me laba igigili ohmun.

Salamo 85:4

Khong at ame omeli ohmun lö, hwiʼ ohmun ju, Ke oumo ânyâm hmönyin kohmun,

Salamo 89:51

Iehova lö, ânyâm ta je iwahnaihmiony adre me ûhiö, Waleji hnyi hnödra hna ûhiö ta je hna okca anyin at u je hû.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Jeremia 29:18

Ke oge me he ka hnu ödra ge hele vat, me hmiâ, me mok ae cap; ke oge me he ka hnödra ka he monu hnyi je dokhu hia eang hmeledrany, me me hnân hangâ, me kuku, me jû, me hnân haikongoâ hnyi ta je hnyei hia thithö waleji oge me he ka obʼ ödra ka hnyin:

Jeremia 32:31

Anyin a hnân okûâ hmonyin me wathethot könya taun ang hwân hnyi bong adre op e hnyin ke ne o but hnyi bong ang; me oge me beohia e hnyi hnyimakök:

Jeremia 32:32

can ta je hulo hia anyin lakon Isaraela, me lakon Juda, waleji adre me mâdrâ he ka ohmönyini nya, ödra, me latuhödra, me anyidra je taben, me anyidra tavat bihut, me anyidra je perofeta, me at Juda, me aten Jerusalema.

Ezekiela 22:4

Jönâm bi dra u je hia but hingâlâ, ke u je kong ut ge je idola u je hia but ânyâ; ke u je hia but ohakekenyâ bongom je bong, ke u je o but ang ka je hunaiâm: anyin a wale oge hia but hnö u hnân taben oû hnen ta je dokhu, me hnân hlumâ hnen ta je hnyei hia.

Ezekiela 5:14

Ke haba khaca, oge me he ka oba wan gam, ke adre me he ka haikongu u, unyin je hnyei igigili u, hnyi hnyimakan tavat hia adre me he unyâm.

Daniela 11:45

Ke e ame he ka otilâ je uma manoiny hnyaban hnyi wanben köiö me bucen ae hmanenang ae kap; ke ame he ka o obiny kâu, ke ba at ame he ka hadruâ e.

Daniela 9:20

Ke inya oge me tiga fuc, me hic, me omanenâ anyik hulo, me hulo anyin je liamekeiny mönya a at Isaraela, me ip gaga hnyi hnyimakö Iehova Khonguk anyik khöû hobi kâu bucen ae kap anyin Khonguk;

Joela 3:17

Me öbun e he ka wâ a inya Iehova Khongubun, at ame laba hnyi Ziona, anyik bucen ae kap: me ame he ka kap bi Jerusalema, ke ame ca he hmetu ta je atkanyua ka vheno e.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

II. Thesalonika. 1:6

ame ne ûnyi ae wisa ka Khong he ka bi hwaban vec ka tavat adre me oveci öbun,

I. Ioane 1:9

Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.

I. Samuela 2:7

Iehova ame otheduocâ, me otren om jeuâ: E ame kot hnyikânâi, me ogöranyâ.