Daniela 9:12 - Iaai Bible 1901 (New Caledonia)

¹² Me e ame hia but ohwâdâ hwan hofuc, waleji e ame haiʼ öhmun, ke tavat owisa kohmun, me e ame oâ kohmun ûnyi ae kong hmonyin: anyin adre me ca ânyâ eang hmeledrany hia helâ me hna ânyâ ka Jerusalema.

Daniela 9:12 Iomraidhean Croise

I. Je Than 3:9

Ö u ham könya athnyabaem hnyok ae metâ he ka owisa ka lakem, mʼ inye he ka wâhmakhmeto so me kong; anyin a ie at ae khana he ka owisa ka lakem ae gan helâng?

II. Je Than 22:16

Walang hna ha hnö Iehova, ka habe, Wâ bi, oge me he ka oâ monu ka taun ang me tavat adre me labâ e, wale ta je ûnyi hia hnyin tusi a aû than Juda:

Jobu 12:17

E ame lelö but ta je obotkong, hnyat adre hia but söh, Kʼ ame omono tavat owisa.

Salamo 148:11

Je tuhan hmeledrany me ta je hnyei hia; Je taben me tavat owisa hmeledrany hia;

Salamo 2:10

Anyin a wale metâ thʼ öbun je than: Ke haba öbun hnyat owisa eang hmeledrany, hitangen ju hna ûne.

Ta je Vejec 8:16

Ûnyi gak ame musi je taben, Me tavat ae beönua, me tavat owisa hia eang hmelen.

Isaia 43:28

Anyin a wale oge me he ka okongoâ je tuhan dok ae kap, me hnö Jekob ka hnaûhango, ke Isaraela hnân haikongoâ.

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

Jeremia 30:7

Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

Jeremia 32:23

ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

Jeremia 39:16

He thö ka ha kö Ebede-melek at Aithiop, ka habe, Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ hok hofuc ka taun ang me me kong ke ca so bi; ke ame he ka aat hnyi hnyimâkâm hnyi bong eling.

Jeremia 44:23

Can öbun e hia but leû utö ae bo so, me can öbun e hia but ânyâ hulo kö Iehova, me ca löng bi ifuci Iehova, me ca vheno anyin hnanyibu, me hnen je hna hûna, me hnen je hna ohnatho; anyin a wale ame o köbun okongon, helâ me hnyi bong ang.

Je tenge anyi Jeremi 1:12

Hawa, e ûnyi baû köbun tavat hia adre me vheno gethen? Bwele thö, me wâ, ame ne hu hlöuhlöu helâ me anyik hlöuhlöu, wale adre ânyâ könya. Waleji hnö Iehova hna oveci nya hnyi bonginy anyin hmonyin ae hwege.

Je tenge anyi Jeremi 2:13

Ieû oge me he ka ohnathu köu? ieû oge me he ka oûcû u më hluiny Jerusalema? Ieû oge me he ka oûcû u më he ka otubweli u, hlu nokon Ziona? Anyin ae gan hmâ hnâm aat helâ me köiö: ie at ame he ka okhötâ hmetu?

Je tenge anyi Jeremi 2:17

A hia but Iehova ânyâ waleji hnen hna ûnykûme; E ame hia but ohwâdâ hwan hofuc waleji e ame hûna hnyi ta je bong kâû adrem; E ame hia but kia, me ca betenge bi: Ke e ame osenyinâ iwahnaihmiony hom, Me ogöranyâ faoiny meno anyin je tavat adre me tot köu.

Je tenge anyi Jeremi 4:6

Anyin ae gan hmâ hulo anyin hluiny ik hnyei hon hulo anyin Sodoma, Waleji adre ohia helâ me thuthubademak, ke ba hnyam ame hinöbenyn ka hnyin.

Ezekiela 13:6

Adre me hia but wâ ûnyi ae ûnyi baû, ke bi khong thoi, me ha, ka habe, Haingö Iehova; ke ame ca kunʼ ödra ga Iehova: ke adre hia but kunâ tavat he ka geju a ga me he ka hwâdâ but hofuc.

Ezekiela 5:9

Ke oge me he ka ânyâ unyâm ûnyi oge tiga ca ânyâ, ke oge me ca he hmetu ka ânyâ helâe, can ta je hwakecâm ae ikiki.

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Joela 2:2

bonginy lit me menekholom, bonginy ûlâ me khömet, helâ me melaminy hnyomakatu ame ulolo hon je bucen; hnyei ae gan me hwege, e ba helâe ehac, ke ame ca he hmetu ka helâe, hnyi je hunainy je dö ae se hia.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.

Zakaria 1:8

Oge me wâ hnyi hnyinghet, ke wâ bi at ame tabâ hors ae dra, ke e ame tot hnyi wanben je ûö adasi hnyi dok ae hwaelu; ke hwaban e je hors ae dra, ke hngingidra, ke hau.

Zakaria 7:12

Eke, adre me wia je hnyekudra me me helâ me samira, mʼadre me ca long bi hnanyibu, me je hofuc ho Iehova tuhan sabaoth, waleji a kunâ hnen hanon a deny je perofeta a bân: anyin a wale ame o but hmonyin ae gan ûnyi ga Iehova tuhan sabaoth.

Mataio 24:21

anyin ame he ka o vec ae gan hmâ e ba helâe ehac hnyi hwân hmeledrany ke ne o but walang ang, kʼ ame ca he bi ka helâe hmetu.

Mataio 5:18

Anyin ae hnathu inya oge me ha köbun, a gʼ ame ca he bi ka hia ke iota, ame ne ke ong ûnyi ae ûhnyûkong hmonyin ûnyi hnyi hnanyibu, ke ne o but ame he ka hia drany me hmeledrany, me me he ka hwâdâ ta je ûnyi hia thibut.

Mareko 13:19

Anyin ame he ka hu vec hnyi je bong eling, ae ba helâe hnyi hwân hna op ta je ûnyi hia, waleji a op hnen Khong ke ne o but walang ang, ke ba minya ame he ka helâe.

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

Roma 15:8

Anyin a inya oge me ha, ka habe, haba Keriso ame bi athnyabainy peritom hobi kâu hnathu anyin Khong, me me he ka ohmâ hna ha bânâ ka lakamöta,