Daniela 8:7 - Iaai Bible 1901 (New Caledonia)

⁷ Ke oge me wâ a gʼ ame hakekeny ka mamoe baga, kʼ ame hmonyin kâu, me kot mamoe baga, me thu li faoiny; ke ba maniny mamoe baga he ka tot hnyi hnyimakan: me e ame hagutâ e hnyikânâi, me uto e; ke ba at ae khana he ka hûgûnâ mamoe baga gan.

Daniela 8:7 Iomraidhean Croise

Daniela 11:11

Ke ame he ka hmonyin hnyekon than hnyi hwaiöu, ke e ame he ka he me vat më, wale a than hnyi hwadro: ke e ame he ka otilâ metâ utbavat ae gan, ke adre me he ka hna utbavat eji ka hnyi hnyamen.

Daniela 7:12

Ke haba kolon je meno, me adre me hûgûnâ musi gadrin: ke so bi adre me obeûâ melidrin, ke ne o but hnyi ke huna me ûen.

Daniela 7:7

Hwaban e, inya oge me wâ hnyi je hna omanenâ hnyi lit, ke wâ bi meno a vakiny adre outen, ke tren man, ke ti hwege; ke e hu je nyon ae gan a fao; e ame oloû me thu omomono, me ututo je kolon ge je can; ke ve e bi me je meno a bân a kun; ke ten je faoiny.

Daniela 8:10

Kʼ ame gan tot ke ne o but hnyi je utbavat hnyi drany; kʼ ame hagutâ hnyikânâi ke je utbavat, ke je okhû, me uto ju.

Daniela 8:6

Ke e ame o but ka mamoe baga a lo li faoiny, waleji oge me wâ ame tot cico wagewe, me utut kâu hnyi tang hwegien ae gan.

Daniela 8:8

Ke haba got baga ame ka ogânâ hmonyin e bi: ke hwege but e me hmetru but faoiny ae gan; ke ame o thö vak ta fao ae gan hwaban e, cico vak ta ang hnyi drany.

Levitiko 26:37

Ke ame he ke at ka ta hon ke at helâ me tavat kec ge hele vat, ke ba at ame hnu: ke ame he ka ba manibun man he ka tot hnyi hnyimakan je iwahnaihmiony möbun.

Josua 8:20

Ke ame hwio at Ai me wâ, kʼ adre me bwele, me wâ bi, ame sâ hnyi drany ai hainy taun, ke ba man gadra he ka kec ka hnyi ke keihen e me ke keihen ang: kʼ ame hmetu tavat kec hnyebuba ai ka tavat ûhnûhnû.