Daniela 8:4 - Iaai Bible 1901 (New Caledonia)

⁴ Inya oge me wâ mamoe baga ame hagutâ jio, me ka hnyi hwadro, me ka hnyi hwaiöu; ke ca khana ke meno he ka tot hnyi hnyimakan, ke ba at ae khana he ka hûgûnâ gan; ke e ame ânyâ hoton weny, kʼ ame ogânâ e bi.

Daniela 8:4 Iomraidhean Croise

I. Je Than 22:11

Ke haba Zedekia nöku Kenaana ame ânyâ li faoiny meno a fao bi, me ha, ka habe, Walang hna ha hnö Iehova, ka habe, U me he ka hagutâ at Suria ge li ûnyi ang, ke ne o but ame hiʼ ödrin dut.

Jobu 10:7

Ke so bi e khanö u a inyʼ ca at ao kong; Ke ba at ame he ka hûgûnâ ûnyi hnyi hnyamâm?

Salamo 44:5

Ohmun e he ka hagutâ je iwahnaihmiony möhmun ûnyi gam: Ûnyi hnyi iâm ohmun e he ka uto ju tavat adre me tot kohmun.

Salamo 50:22

Tavat öbun e hnying Khong lö, ûnykûme ju öbun ang, Wâ oge nye he ka kiʼ öbun, ke ba at he ka omelo:

Salamo 7:2

Wâ e nye he ka kia hanuk helâ me man liona, Me kia omomono e, ke ba at he ka omeli nya.

Ezekiela 34:21

Anyin a öbun e hagutâ ge je vhak me je abeny, me kot tavat ae mok hia ge je faoibun, me öbun e ovesei ödra ehele;

Daniela 11:16

Ke haba at ame he ka he ûcon, me ame he ka ânyâ hoton weny, ke ba at ame he ka ot hnyi hnyimakan: ke e ame he ka tot hnyi hnyei ae hmanenang, ke e bi hnyi hnyamen ûokonguny.

Daniela 11:36

Ke ame he than ka ânyâ hoton weny; ke e ame he ka ogânâ e bi, me ogöranyâ e bi hon ta je khong hia, me ha ta je ûnyi hnân outen ge Khongon ta je khong: ke e ame he ka sot ke ne o but ame hwâdâ but hmonyin; anyin adre me he ka ânyâ hna mou hnyok ka hnyin.

Daniela 5:19

ke can hna oganâ e adre me ham kâu, me ame öbubuny me ot hnyi hnyimakan tavat hia, me ta je hnyei, me je ve hwen hnyei: e ame hlingâ hnen hna behlingâ, me omelo hnen hna beomelö; ke e ame ogânâ hnen hna beogânâ, me ohnyikânâ hnen hna beöhnyikânâ.

Daniela 5:30

Ke adre me hlingö Belesaza than Kaledaia hnyi hnyinghet eling.

Daniela 7:5

Ke wâ bi ke meno, at a loiny, helâ me bea, ke adre ogöranyâ ke keihen, ke kun ta jeien vhak hnyi hnyimen wanben ga nyon: ke adre me ha kâu, ka habe, Todrö, an gânâ ju utiö.

Daniela 8:7

Ke oge me wâ a gʼ ame hakekeny ka mamoe baga, kʼ ame hmonyin kâu, me kot mamoe baga, me thu li faoiny; ke ba maniny mamoe baga he ka tot hnyi hnyimakan: me e ame hagutâ e hnyikânâi, me uto e; ke ba at ae khana he ka hûgûnâ mamoe baga gan.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Deuteronomi 33:17

E hmanenang nokon haleny bolok a bân; Ke haba li faoiny, me wale faoiny bolok ae hiny: Ge li ûnyi e e ame he ka hukâ je hnyei hia ke ne o but je obiny hmeledrany: Ke haba ödra, me, je ten thauzan anyi Eferaima, Ke ödra je thauzan anyi Manasi.