Daniela 8:3 - Iaai Bible 1901 (New Caledonia)

³ Me oge me bwele me wâ, ke wâ bi, mamoe baga ae hu li faoiny ame tot cico wagewe; ke beû goranyai li faoiny; ke beû ke at hon ke at, ke haba at ae beönua, me a biliny ka o.

Daniela 8:3 Iomraidhean Croise

I. Man Ûlabainy Je Than. 21:16

Ke Davita ame bwele goranyai me wâ angela anyi Iehova ame tot hnyi wanben hmeledrany me drany, ke e hnyi hnyamen hele vat adre oc me hai hon Jerusalem. Me ame ta hnyikânâi Davita me wahingat kʼ ödrin e khavâ mano ae gan nân.

Ezera 1:2

Walang hna ha hnö Koreso than Peresi, ka habe, A hia but ham könya ga Iehova Khongon dran ta je dokhu hia eang hmelen; ke a hia but hûna könya he ka op umen uma hnyi Jerusalema, wale hnyi hnyei Juda.

Ezera 4:5

me bi omjeû ka tavat ha bongon mʼ adre me ovhelâ ûnykûmenödrin hnyi ta je bong hia bongu Koreso than Peresi.

Esetera 1:3

hnyi huna a kuniny anyin musi, me e ame ânyâ bijeû ka anyin je taben, me lathnyabainy; ke e unyin hmanenanginy Peresi me Madai, je taben me latuhan ta je hnyei:

Isaia 13:17

Wâ bi, oge me he ka bwebwelâ at Madai kodra, tavat adre me ca ûnykûme sileva, ke haba gol, me adre me ca he ka senyinâ e.

Isaia 21:2

Adre thumetu nya ge hna omanenâ ae hmak; at ânyâ hwakecin iyawâ ame iyawâ, ke at sei ame söh. Elama lö, ölö thö; Madai lö, igigilo ju; oge hia but umo je bongon mâng hia.

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Daniela 10:5

inya oge me bwele me wâ, ke wâ bi at ame khavâ mano lino, ke a oweikâ e ge goliny Ufas:

Daniela 2:39

Ke hwabâm dö ame he ka kû ke dokhu ae ûhnyûkong hmelâm; ke ke dokhu minya a kuniny, a bras, e ame he ka muso hmeledrany hia.

Daniela 5:31

Ke haba Dariu at Madai ame kap musi hnyi dökhu, kʼ ame ne sikste tu je hunainy.

Daniela 6:28

Ke so eling Daniela hnyi ûen musi anyi Dariu, me ûen musi anyi Koreso at Peresi.

Daniela 7:5

Ke wâ bi ke meno, at a loiny, helâ me bea, ke adre ogöranyâ ke keihen, ke kun ta jeien vhak hnyi hnyimen wanben ga nyon: ke adre me ha kâu, ka habe, Todrö, an gânâ ju utiö.

Daniela 8:2

Ke inya oge me wâ hnyi hna omanenâ; ke hnyi ûen oge me wâ, me oge me laba hnyi Susani hnyi uma umen than hnyi ke keihen hnyei a Elama; ke oge me wâ hnyi hna omanenâ, ke inya but hnyi wagewe Ulai.

Daniela 8:20

Haba mamoe baga u je wâ a lo li faoiny, me wale li than Madai me Peresi.

Zakaria 1:18

Ke oge me bwele thö me wâ, ke wâ bi vak ta faoiny meno.

Zakaria 2:1

KE oge me bwele thö, me wâ, ke wâ bi, at ae hu tulut tö hnyi hnyamen.

Zakaria 5:1

KE inya hmetu oge me bwela me wâ, ke wâ bi tusi adre vhec at ame gâ.

Zakaria 5:5

Me ame he but angela at ame ûhnenamö mönya, me ha könya, ka habe, Bwele thö walang ang, me wâ thö ie ûnyi ang ame he but.

Zakaria 5:9

Ke inya oge me bwele me wâ, ke wâ bi, li momo ödru me o, ke e hnyi li labenyidru ang; ke ve hu labenyidru helâ me labenyin kasida: ke ödru me kap goranyai efa hnyi wanben hmeledrany me drany.

Zakaria 6:1

KE inya oge me bwele hmetu me wâ, ke wâ bi ame o vak ta kariota ûnyi hnyi wanben li bucen; ke haba li bucen, me li bucen bras.

Numera 24:2

Ke Balaama ame bwele me wâ at Isaraela adre me ve laba hoton anyidra je tribu; me ame o but kâu hanon Khong.

Josua 5:13

Ke e Josua hnyi Jeriko, me e ame bwele me wâ, ke wâ bi, ame tot cicö e at ame tot me hele vat adre oc hnyi hnyamen: ke haba Josua ame he kâu me ha kâu, ka habe, U me tha hiâm möhmun, hawa, me je iwahnaihmiony möhmun?

Hna Omanenâ 13:11

Ke oge me wâ ke meno minya ame o ûnyi eû hnyi kânâ; e hu li fao helâ me arenio, ke e ame fuc helâ me drakona.

Hna Omanenâ 5:6

Ke oge me wâ hnyi wanben theron, me vak ta ûnyi ae möt, me hnyi wanben wahingat, ame tot ke Arenio, helâke adre hia but hlingâ, seven je faoiny, ke seven je emakan, wale je Hanon Khong a seven, adre kunâ ka hnyi hmeledrany hia thithö.