Daniela 8:25 - Iaai Bible 1901 (New Caledonia)

²⁵ Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Daniela 8:25 Iomraidhean Croise

Jobu 34:20

Ödra logot mokcu, wale hnyi wanbenset; Adre me obwebwelâ tavat me ame hiʼ ödra but, Ke adre me hom tavat hwege a ca hnen hnyam.

Jeremia 48:26

Habelen ju ge grâg me me monu; anyin a e ame bi gan kö Iehova: ke ame he Moaba ka seset hnyi hûen hna hmita, ke adre me he ka wia e hnân hlumâ.

Je tenge anyi Jeremi 4:6

Anyin ae gan hmâ hulo anyin hluiny ik hnyei hon hulo anyin Sodoma, Waleji adre ohia helâ me thuthubademak, ke ba hnyam ame hinöbenyn ka hnyin.

Daniela 11:12

Ke ame he ka bi gan utbavat, ke ame he ka gorany bi hnyekon: ke e ame he ka ota je miriad, ke e ame ca he ka ton.

Daniela 11:45

Ke e ame he ka otilâ je uma manoiny hnyaban hnyi wanben köiö me bucen ae hmanenang ae kap; ke ame he ka o obiny kâu, ke ba at ame he ka hadruâ e.

Daniela 7:26

Ke adre me he ka laba he ka ûhnei, ke adre me he ka hûgûnâ anyin musi, he ka ohia e, me oumo, ke ne o but obiny.

Daniela 7:8

Inya oge me ûnykûme je faoiny, ke wâ bi, ame o but hnyi wanben ke faoiny ae ûhnyûkong, ke adre oc wia hnyi hnyimakan e ta faoiny a kun a bân; ke wâ bi, hnyi faoiny eling je ecmak helâ me je emakan at, me hnyem at ame ha je ûnyi ae gan.

Daniela 8:11

Eke, e ame ka ogânâ e ke ne o but ka hnyi taben je utbavat; kʼ ame hûgûnâ gan hudiny leû adre labö hudo bala, kʼame hagutâ but hnen e, a dok ae kap.

Daniela 9:25

Wâhmakhmetoâ thö, ke wâ ûnykûme, a haba hwân hnyi hna hûna he ka ohâtâ me op hmetu Jerusalema ke ne o but at adre hû, a than, me ame he ka seven ta wik: ke haba sikste tu je wik me adre me he ka ânyâ hmetu e, wale je gethen ke köiö igigilo, hnyi ûen adre ovecâ.

Ta je huliwa 12:23

Me ame ie kot e angela anyin Than, anyin a e ame ca ogânâ Khong: me ame an e ge ahnyöng, me me mokcu.

II. Thesalonika. 2:3

ca he ke at ka iyâwʼ öbun bi ge ke ûnyi: anyin ame ca he ka o bong eling, e ka ca bân ka o kolu but a tavat, me adre me he ka omanenâ but aten hulo, wale aten hnaûhango,

II. Thesalonika. 2:8

Ke hnyi ûen eling ame he ka manen dut at ame ânyâ hulo, wale hnen Than Iesu hna he ka hlingâ ge homenâiny hnyimen, me he ka ohia ge unyin ae manen dut e ka o but;

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.