Daniela 8:23 - Iaai Bible 1901 (New Caledonia)

²³ Ke haba hnyi obiny dökhudrin dökhu, hnyi ûen ame he ka bekhot tavat hanyâûâ, me ame he ka o than ae hwege hnyimakan, at ae khana je vhet.

Daniela 8:23 Iomraidhean Croise

Genese 15:16

Ke haba hnyi dö ae vakiny adre me he ka hmetu jem: anyin ae tiga ca bekhöt ut konginy at Amora.

Ta je Vejec 1:6

Me me wâhmakhmetoâ vejec me ûhöûcû; A ta je hofuc hwan tavat ae metâ, me hodra ta je hofuc ae vhet.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Ezekiela 38:8

Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 11:21

Ke ame he ka tot hwaban e, at adre me hûkotiâ, waleji adre me tiga ca ham kâu hmanenanginy dokhu: ke e ame he ka o hnyi ûen ûsoköu, me hu dokhu ge hofuc ûtakû.

Daniela 11:24

E ame be ka o hnyi ûen ûsoköu ka hnyi je dok ae so hnyi hnyei; ke e ame he ka ânyâ ûnyi a ca ânyâ lakamen ke lakiben; e ame he ka khenâ kodra hna hûgûnâ ke hna soh, ke je omjeû: eke, e ame he ka bihihwakecin ûcon je hnabâ ke ne o but hnyi ke ûen.

Daniela 7:11

Ke oge me wâ hnyi ûen eling, a can ifucin hwan ae gan hwan faoinyʼ meno; haba, inya oge me wâ ke ne o but adre me hlingö meno, ke ohia unyin, kʼ adre me hna e me me thong meic.

Daniela 7:20

ke hawa ge je faoinyʼ a ten hnyi ban, ke fao ame o kʼ ame ta ju kun ta faoiny hnyi hnyimakan; wale fao ae hu je ecmak, ke hnyem, at ame ha ta je ûnyi ae gan, ke gan hmâ unyin hon je lahanen.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Daniela 7:8

Inya oge me ûnykûme je faoiny, ke wâ bi, ame o but hnyi wanben ke faoiny ae ûhnyûkong, ke adre oc wia hnyi hnyimakan e ta faoiny a kun a bân; ke wâ bi, hnyi faoiny eling je ecmak helâ me je emakan at, me hnyem at ame ha je ûnyi ae gan.

Daniela 8:22

Ke haba at ae hmetru, waleji ame o thö vak hwaban, me wale ame he ka o vak ta dökhu ûnyi hnyi hnyei, ke ca helâ me maniny e.

Daniela 8:24

Ke ame he ka gan hmâ hwegien, ke ca hnen bi tang hwegien, ke ke bongon bi hnen hna he ka ohia, ke e ame he ka hnahic me ânyâ weny: ke e ame he ka ohia tavat tren man, me tavat ae kap.

Daniela 8:25

Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Numera 24:24

Ke ame he ka khöp je hu ûheny Kitim, Me adre me he ka oveci Asura, me oveci Heberu, Kʼ adre me he ka ohia e bi hnyi obiny

Mataio 23:32

Awe, öunöngötâ thö tulut anyin lakamöbun.

Deuteronomi 28:50

hnyei ae hwege hnyimakan, kʼ adre me ca ogânâ wahingat, me betenge ge tavat ae ûhnyûkong:

I. Thesalonika 2:16

kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.

I. Timoteo 4:1

KE ame ha manenâ hnen Hanu, ka habe, ame he keihen ka hna degecâ labageju, hnyi je ûen a biliny, adre me he ka löng ta je hanu adre me omono me ta je hna ûnö anyin je demoni,

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio: