Daniela 8:15 - Iaai Bible 1901 (New Caledonia)

¹⁵ Ke haba inya Daniela, oge me wâ hna omanenâ, me oge me elâm bi he ka wâhmakhmeto e; ke wâ bi, ame tot ke at hnyi hnyimakök helâ me at.

Daniela 8:15 Iomraidhean Croise

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Daniela 10:16

Ke wâ bi, ame kâlâ hnyimök ke at helâ me at: me oge me khong ut hnyimök me fuc, me ha ka at ame tot hnyi hnyimakök, ka habe, Than lö, can hna omanenâ, ame takû nya anyik je hlöuhlöu, ke ba but hwegiök.

Daniela 10:18

Ke ame mâdrö nya hmetu hnen at a helâ me at, me ha hwegiök.

Daniela 10:5

inya oge me bwele me wâ, ke wâ bi at ame khavâ mano lino, ke a oweikâ e ge goliny Ufas:

Daniela 12:8

Ke oge me löng, ke oge me ca wâ ûnykûme: me oge me ha, ka habe, Tuhok lö, ieû obiny ta je ûnyi eî

Daniela 7:13

Ke oge me wâ je hna omanenâ hnyi lit, ke wâ bi, ame tha o me je ûlâiny drany, at helâ me nokon at, ke e ame o ka hingat kâû adrem, mʼ adre me hom e ka hnyi hnyimakan.

Daniela 7:28

Walang obiny ûnyi. Ke haba inya Daniela oge me hmak ge ta je ûnykûmenök, me ame ke man bi hnyimakök: ke oge me tuö unyi eling eû hnyi hnyekuk.

Daniela 8:1

HNYI huna a kuniny musi anyi Belesaza than, a o thö hna omanenâ könya, wale könya Daniela, hwaban hnok hna wâ a bân.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Zakaria 1:9

Me oge me ha, ka habe, Than lö, je ieû e? Ke haba angela at ame ûhnenamö mönya ame ha, ka habe, Oge me he ka omanenâ köu bongon ta je ûnyi ang.

Mataio 13:36

Ke haba Iesu ame hna but tavat ae se hia, me ame didro ka hnyi uma: ke ame o but kâu laten, haingödra, ka habe, Omanenâ thö köhmun bongon ûhöûcû me zizania hnyi utkânâ.

Mataio 24:15

Awe, öbun ka wâ ûnyi ae ikiki at ame okongo, ame tot hnyi dok ae kap, waleji a ha Daniela perofeta, (wâhmakhmeto ju hnen at ame aû),

Mataio 24:30

me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.

Mareko 13:14

Ke öbun ka wâ ûnyi ae ikiki, at ame okongoâ, ame tot hnyi dok a ca hnen bi (e so he ka wâhmakhmeto ju hnen at ame aû) wale ûen ae ûcû he ka kec hnen tavat Juda ka hnyi je bucen:

Mareko 4:12

mʼ adre me he ka wâ, a wâ thibi, kʼ adre me ca wâ ûnykûme bi; ke long, a long thibi, ke ca wâhmakhmeto bi; wâ adre nye hwio thö, mʼ adre me he ka thang degecâ but anyidra ta je hulö.

Josua 5:14

Ke e ame thu, ka habe, E ba, anyin a oge o hnân taben je utbavat anyi Iehova. Ke Josua ame ta ju hnyikânâi, me nom ju, me ha kâu, ka habe, Ieû hofuc hwan tuhok ka athnyabainy?

Hna Omanenâ 1:13

ke e hnyi wanben je taben lamepa a seven ke at helâ me Nokon at, a khavâ ûkhaû ame beû ke ne o but hnyi hnyeûcan, ke ame weikâ ûlainy ge wen a gol.

Hna Omanenâ 13:18

Walang metâ. Hamen at ame wâ ûnykûme he ka aû numerainy meno; anyin a wale numerainy at: ke haba numerainy, me, Siks haded ke sikste siks.