Daniela 8:14 - Iaai Bible 1901 (New Caledonia)

¹⁴ Me haingen könya, ka habe, Ke ne o but ka hnyi lo li thauzan ke theri haded ta je sahac me hnyomakatu; ke hnyi ûen eling adre me he ka ânyâwia dok ae kap.

Daniela 8:14 Iomraidhean Croise

Genese 1:5

Ke Khong ame hwenyi ien lany, me, Bong, ke e ame hwenyi ien menekholom, me, Hnyinghet. Ke e hu sahac me e hu hnyomakatu, wale bong a khaca.

Isaia 1:27

Adre me he ka omeli Ziona ûnyi ge hna owisa, me je laten adre hmetu kâu ûnyi ge hwakecin ae wisa.

Isaia 45:25

Adre me he ka haiwisa ta je mâtrâni Isaraela hia thithö unyi Iehova, ke adre me he ka hobâ.

Daniela 12:11

Ke hwân hnyi ûen adre me he ka ohia hnyin hudiny leû adre hudo hnyi je bong hia, ke ne o but adre me otilâ ûnyi ae ikiki at ame öba wan, me wan thauzan tu haded ke nainte je bong.

Daniela 12:12

Hnahic hnen at ame lubahingen ke ne o but hnyi je bong a wan thauzan ke theri haded ke thote faiv.

Daniela 12:7

Ke oge me long at ame khavâ lino, at ame laba hon köien wagawe, me ame ogöranyâ hnyamen a metân me hnyamen a meny ka hnyi drany, me khemanyin gan at ae möt nyiele balua a gʼ ame he ka hobi kâu ûen, me lo li ûen, me ûen me haf: ke e ka hia but oveseâ maniny hnyei ae kap, awe, ame he ka hwâdâ ta je ûnyi hia eling.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Daniela 8:26

Ke haba hna omanenâ ge je sahac me hnyomakatu waleji adre ha, me e hnathu e; ke so bi, ikhâlâ ju hna omanenâ; anyin ae se hia je bonginy.

Galatia 3:8

Ke manen dut ehac hnyi hna sihnalimen a gʼ ame he Khong ka haiwisa Aten je hnyei ûnyi hnyi labageju, ke a khetâ evangelia kö Aberahama, ka habe, Ame he ka hnahic ta je hnyei hia ûnyi gam.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 12:14

Ke adre me ham ka momo li labenyin aeto ae gan, me me gâ ûnyi hnyi hnyimakan on ka hnyi hnyebuba a hnen, ke adre hat eling, hnyi ûen a khaca, me je ûen, me haf ûen.

Hna Omanenâ 13:5

ke adre me ham kâu hnyem, me ame ha ta je ûnyi ae gan, me je bi gan ka Khong; kʼ adre me ham kâu man he ka huliwa hnyi fâte tu je tehi.