Daniela 8:11 - Iaai Bible 1901 (New Caledonia)

¹¹ Eke, e ame ka ogânâ e ke ne o but ka hnyi taben je utbavat; kʼ ame hûgûnâ gan hudiny leû adre labö hudo bala, kʼame hagutâ but hnen e, a dok ae kap.

Daniela 8:11 Iomraidhean Croise

Isaia 37:23

U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

Isaia 37:29

Can hnâm hna hmonyin könya, ke ame o but ka hnyi li hnyikönyök hnâm hna bi gan könya, me oge me he bi nya ka inâ anyik otru hnyi hnyingoiâm, me anyik fao hnyi li esongodâm, ke oge me he ka ohmetu u hnyi gethen u je o hnyin.

Jeremia 48:26

Habelen ju ge grâg me me monu; anyin a e ame bi gan kö Iehova: ke ame he Moaba ka seset hnyi hûen hna hmita, ke adre me he ka wia e hnân hlumâ.

Jeremia 48:42

Ke adre me he ka kot Moaba me me ca he hmetu ka hnyei, anyin a e ame hia but bi gan kö Iehova.

Ezekiela 46:14

Ke u me he ka penapena hudiny han hobi kâu e hnyi je hnyomakatu, ke keihen efa a siksiny, ke ke keihen a kuniny hin wakaco, hnân ûhaniken me tap falawa; a hudiny han hobi kö Iehova, wale hnanyibu adre ohmâ nyiele balua.

Daniela 11:22

Ke ame he ka khutu takoû e je vat ae uoû hnyi hnyimakan, me hmouca but; eke, thaniny ûhihinyköu minya.

Daniela 11:31

Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.

Daniela 12:11

Ke hwân hnyi ûen adre me he ka ohia hnyin hudiny leû adre hudo hnyi je bong hia, ke ne o but adre me otilâ ûnyi ae ikiki at ame öba wan, me wan thauzan tu haded ke nainte je bong.

Daniela 5:23

ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Daniela 8:12

Kʼ adre me tha hna but kâu utbavat me hudiny leû adre me hudo bala, can hna hanyâûâ; kʼ ame hagutâ hnathu hnyikânâi kʼ ame ânyâ weny bi, ke hu sot gan.

Daniela 8:24

Ke ame he ka gan hmâ hwegien, ke ca hnen bi tang hwegien, ke ke bongon bi hnen hna he ka ohia, ke e ame he ka hnahic me ânyâ weny: ke e ame he ka ohia tavat tren man, me tavat ae kap.

Daniela 8:25

Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Daniela 9:25

Wâhmakhmetoâ thö, ke wâ ûnykûme, a haba hwân hnyi hna hûna he ka ohâtâ me op hmetu Jerusalema ke ne o but at adre hû, a than, me ame he ka seven ta wik: ke haba sikste tu je wik me adre me he ka ânyâ hmetu e, wale je gethen ke köiö igigilo, hnyi ûen adre ovecâ.

Numera 28:3

Ke u me he ka ha ködra, ka habe, Walang hut a an ge meic öbun e he ka hudo kö Iehova; a je lakon mamoe baga a khaca hunainy ae ba hnyikongon, ûse lo hnyi ke bong me ke bong, hnân hudiny leû hnyi ta ogo bong hia.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

II. Thesalonika. 2:4

wale at ame bi iwahnaihmiony, me ka hamen ogö-ranyâ e hon ta je ûnyi hia thithö adre me ha me Khong, me hna khudrung kâu; waleling me me laba hnyi uma umen Khong, me ka omanenâ e bi, ka habe, e Khong.

Heberu 2:10

Anyin ae ûcû kâu, wale at a hobi kâu ta je ûnyi hia, ke ûnyi gan ta je ûnyi hia, hnyi hnen hna hom lakon a ödra se hia ka hnyi hmanenang, e ûcû kâu he ka obekhotâ tuhan anyidra möt hnen ta je vec.

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.