Daniela 8:1 - Iaai Bible 1901 (New Caledonia)

¹ HNYI huna a kuniny musi anyi Belesaza than, a o thö hna omanenâ könya, wale könya Daniela, hwaban hnok hna wâ a bân.

Daniela 8:1 Iomraidhean Croise

Ezekiela 1:1

HNYI huna a thote, hnyi tehi a vakiny, ke hnyi bong a thabûnginy tehi, ke tha inya me je bâ hnyi wagewe Kebara, me ame hmouca but drany, me oge me wâ je hna omanenâ ûnyi ge Khong.

Daniela 1:17

Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Daniela 10:2

Haba hnyi ûen eling, inya Daniela oge me labö tenge hnyi kun ta wik ae bekhot.

Daniela 10:7

Ke hake inya Daniela at ame wâ hna omanenâ eling: ke adre me ca hnyi wâ hna omanenâ ge tavat adre me tha e mönya; ke so bi, ame o but kodra öbubuny ae gan hmâ, me adre me kec dö me lubaduöng.

Daniela 11:4

Ke e ka tot, me ame he ka hmetru dokhon dökhu, me adre me he ka kia vâkâ e ka hnyi vak ta anginy drany: ke ca hobi kâu bi je mâtrâniny, ke ca hoton anyin musi; anyin adre me he ka oc dokhon dökhu, me me hobi kâu ke je hnyat, ke ca ödrin bi.

Daniela 7:1

HNYI huna a bâni Belesaza than Babulona, Daniela ame bwi, ke hu ûnyi ame manen kâu hon hnen hna mokut: me e ame sihnalimen bwi, me ha önyen ta je ûnyi.

Daniela 7:15

Ke haba inya Daniela, me ogo me hlöuhlöu eû hnyi hnyekuk, kʼ ame ohmaki nya je hna omanenâ könya hon hnok hna mokut.

Daniela 7:28

Walang obiny ûnyi. Ke haba inya Daniela oge me hmak ge ta je ûnykûmenök, me ame ke man bi hnyimakök: ke oge me tuö unyi eling eû hnyi hnyekuk.

Daniela 8:15

Ke haba inya Daniela, oge me wâ hna omanenâ, me oge me elâm bi he ka wâhmakhmeto e; ke wâ bi, ame tot ke at hnyi hnyimakök helâ me at.

Daniela 8:2

Ke inya oge me wâ hnyi hna omanenâ; ke hnyi ûen oge me wâ, me oge me laba hnyi Susani hnyi uma umen than hnyi ke keihen hnyei a Elama; ke oge me wâ hnyi hna omanenâ, ke inya but hnyi wagewe Ulai.

Daniela 9:2

haba hnyi huna a bâniny anyin musi, inya Daniela oge me wâhmakhmeto ge je tusi numerainy je buna, waleji ge ioiny hofuc ho Iehova kö Jeremia perofeta hnyin, me me he ka hwâdâ je huna a se ven ti waleji hnyi hna öba wan Jerusalema.