Daniela 7:9 - Iaai Bible 1901 (New Caledonia)

⁹ Inya oge me wâ ke ne o but adre otilâ je theron, ke ame laba hon ke hingat at kâû adrem: e hau anyin ûkhaû helâ me kiona, ke helâ me leûnen mamoe ae so leûnen ban, ke helâ me bâhlân meic anyin theron, ke helâ me meic ame hlâ je waengen.

Daniela 7:9 Iomraidhean Croise

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

II. Man Ûlabainy Je Than. 18:18

Ke haingö Mikaia, ka habe, Anyin a wale long ju hofuc ho Iehova: oge ō Iehova but ame laba hon anyin theron, ke ame ûtitilen je dö hnyi drany hnyi ke keihen metâ me meny.

Salamo 45:8

E bo so je ûkhaûâm hia ge muro, me aloe, me kesia; Adre hia but osenyini u ge je ûnyi-khumöng, ûnyi hnyi je uma nyon elefan.

Salamo 90:2

Adre me tiga ca hnokoâ ta je bucen, Kʼ u tiga ca op hmeleledrany me hon kânâ, Waleji hwân adrem balua ke ne o but nyiele balua, u thibi Khong.

Salamo 93:2

E tethmâ ânyâm theron hwân adrem: U ûnyi kâû adrem balua.

Isaia 6:1

HABA hnyi hunainy mok a Uzia than, me oge me wâ Than ame tabâ theron ae gorany ke beönua, ke unöngötö uma ge obiny anyin ûkhaû.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 49:38

ke oge me he ka otilâ anyik theron hnyi Elama, ke oge me he ka ohia eling than me je taben, haingö Iehova.

Ezekiela 1:26

Ke e hnyi hon unyin ae lau ae hnyi hon je bodrin ke ûnyi helâ me theron, helâ me veto safairo; ke ethö hon ûnyi helâ me theron me hu bongon helâ me bongon at ethö hon e.

Daniela 7:13

Ke oge me wâ je hna omanenâ hnyi lit, ke wâ bi, ame tha o me je ûlâiny drany, at helâ me nokon at, ke e ame o ka hingat kâû adrem, mʼ adre me hom e ka hnyi hnyimakan.

Daniela 7:22

ke ne o but ame o hingat at kâû adrem, ke adre me hna ka tavat ae kap anyi Beönua he ka owisa; me ame o thö ûen me hu dokhu ge tavat ae kap.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Habakuka 1:12

Iehova lö, Khonguk, me Kapik, hawa, u ca at kâû adrem bala? ohmun e ca he ka mok. Iehova lö, u je otilâ e me hnân owisa, Kicik lö, oâ e me hnân nâ.

Mataio 17:2

me e ame ke bongon dut hnyi hnyimaködrin: ke ame hadröngöc hnyimakan helâ me seûno, ke hau anyin je ûkhaû helâ me melâm.

Mataio 28:3

Haba hnyimakan helâ me hucuce, ke hau anyin ûkhaû:

Mareko 9:3

me ame hadröngöc ut anyin ûkhaû, me hau hmonyin; e ca khana ke at eang hmeledrany a at kot mano he ka ohawâ but helâe.

Ta je huliwa 2:30

Anyin a e perofeta, ke e ame wâhmakhmeto a ga hia but Khong khemanyin kâu a e ame he ka ip ke at hon anyin theron ûnyi hnyi mâtrâniny;

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

I. Ioane 1:5

Ke walang ûthumetu öhmun e hia but löng ûnyi gan, me haimemenâ köbun, ka habe, Khong thibi melam, ke ba ju ke ong lit unyin.

Hna Omanenâ 1:14

Ke haba ban me leûnen ban, me hau helâ me leûnen mamoe, ke helâ me kiona; ke helâ me bâhlân meic li emakan;

Hna Omanenâ 19:18

mʼ öbun e he ka an viny ta je than, me viny ta je taben vat, me viny tavat ae hwege, me viny ta je hors me tavat adre me tabâ, me viny tavat hia thithö, tavat adre hna bâûâ me ta je athnyaba, me tavat ae ûhnyûkong me gan.

Hna Omanenâ 20:4

Ke oge me wâ je theron, me hnyat ödrin e laba hon, ke adre me hna ködrin he ka hnei: ke oge me wâ minya je hanon tavat adre subâ je nyidra can hna ohnathu Iesu, ke can hofuc hwan Khong, ke tavat adre me ca hnyi khudrung ka meno, me at a we e, ke adre me ca hnyi kap haten hon je baridra ke hon je hnyamödra; ke adre me möt, kʼ adre me tha musi me Keriso ke ne o but hnyi je huna a wan thauzan.

Hna Omanenâ 4:2

Ke oge me ie dit ka hnyi Hanu: ke wâ bi, e hu theron adre ip hnyi drany, ke ke at ame laba hon theron;