Daniela 7:22 - Iaai Bible 1901 (New Caledonia)

²² ke ne o but ame o hingat at kâû adrem, ke adre me hna ka tavat ae kap anyi Beönua he ka owisa; me ame o thö ûen me hu dokhu ge tavat ae kap.

Daniela 7:22 Iomraidhean Croise

Salamo 149:5

E so ame he wakap ka hobâ ge hmanenang: E so adre me he ka khumöng senyin hon hnödra ta je hna mokut.

Isaia 63:4

Anyin a e bi eû hnyi hnyekuk bonginy hmonyin, kʼ ame o but hunainy hnok hna ûco.

Daniela 7:18

Ke ame he ka kap dokhu hnen tavat ae kap anyi Beönua, mödrin e hu bala bi dokhu, wale nyiele nyiele balua.

Daniela 7:23

Haingen, ka habe, Haba meno a vakiny me wale dokhu a vakiny eang hmelen, ae ve bongon bi me ta je dokhu hia, e ame he ka an hmeledrany hia me uto e, me thu omomono e.

Mataio 19:28

Haba Iesu ame ha ködrin, ka habe, E hnathu inya oge me ha köbun, ka habe, haba hnyi hna he ka omelö hmetu, e ka he Nokon at ka laba hon theroniny anyin hmanenang, haba öbun tavat öbun e he hotuk, me öbun e be minya bi ka laba hon je theron a twelv, he ka owisa je tribu anyin at Isaraela a twelv.

II. Thesalonika. 2:8

Ke hnyi ûen eling ame he ka manen dut at ame ânyâ hulo, wale hnen Than Iesu hna he ka hlingâ ge homenâiny hnyimen, me he ka ohia ge unyin ae manen dut e ka o but;

Hna Omanenâ 1:6

kʼ ame wiʼ öta me me dokhu me hnyat bihut ka Khong a Kamen; e so e unyin hmanenang me dokhu nyiele nyiele balua. Amen.

Hna Omanenâ 20:4

Ke oge me wâ je theron, me hnyat ödrin e laba hon, ke adre me hna ködrin he ka hnei: ke oge me wâ minya je hanon tavat adre subâ je nyidra can hna ohnathu Iesu, ke can hofuc hwan Khong, ke tavat adre me ca hnyi khudrung ka meno, me at a we e, ke adre me ca hnyi kap haten hon je baridra ke hon je hnyamödra; ke adre me möt, kʼ adre me tha musi me Keriso ke ne o but hnyi je huna a wan thauzan.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.

Hna Omanenâ 5:10

me wiʼ ödra hnân dokhu me tavat bihut hobi kâu Khonguhmun; ke adre me musi eang hmeledrany.