Daniela 7:14 - Iaai Bible 1901 (New Caledonia)

¹⁴ Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Daniela 7:14 Iomraidhean Croise

Salamo 102:22

Hnyi hna ûkhacaköu hnen ta je hnyei, Me ta je dokhu, he ka athnyabai Iehova.

Salamo 103:19

A hia but Iehova ip hmâ anyin theron hnyi drany; Ke haba dokhon dokhu me ame muso hon ta je ûnyi hia thithö.

Salamo 145:13

Haba dokhom dokhu, dökhu a nyiele balua, Me ka ta je dö hia thithö ânyâm musi.

Salamo 146:10

Ame he Iehova ka musi nyiele balua, Ziona lö, ame he Khongom ka musi ka ta je dö. Oganö Ja thʼ öbun.

Salamo 45:6

Khong lö, e bi ânyâm theron nyiele balua: Uci ae wisa uciny dokhom dokhu.

Salamo 72:11

E ke, ame he je than hia thithö ka ta ju hnyikânâi kâu: Kʼ ame he ta je hnyei hia ka bi athnyabainy.

Salamo 72:17

Amo he ka tethmâ ien nyiele balua; Kʼ ame he ka e bala bi e ka tiga hu seûno ethö: Ke ame he ka hnahic tavat ûnyi gan; Ame he ta ogo hnyei hia ka ha a e ame senyin.

Salamo 8:6

U je otilâ e he ka muso ta je huliwa anyin li hnyamâm; U je hia but ip ta je ûnyi hia thithö eû hmelen li can:

Isaia 16:5

Ke adre me he ka otilâ ke theron hnyi ibe-tengiö, kʼ ame he ka tabâ e ke at hnyi hnathu, hnyi uma mano umo Davita; he ka owisa, me elâm hna owisa, me logot he ka ânyâ wisa.

Isaia 60:12

Anyin ame he ka hia tavat me dokhu bi adre me höcö bi athnyabaem; eke, adre me he ka ti oba wan ta je hnyei eling.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Daniela 2:35

Me ame tha omomonu but fao, me kânâ kece, me bras, me sileva, me gol, me helâ me unen hwit hnyi hna huje hwit hnyi honivakeny; ke haba ang ame tûâ degecâ, ke ba hmetu bi hnen: ke haba veto, at ame kot hnatheat, me e ame wia me bucen ae gan hmâ, me ame öunöngötâ hmeledrany hia.

Daniela 2:37

U than lö, thaniny ta je than, ke Khongon drany ame ham köu dokhu, me man, me tang hwege, me hmanenang;

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 3:4

Me ame ha gânâ hnen at bi hnyimen musi, ka habe, Walang hnanyibu köbun tavat lö me je hnyei, me je ve hwen hnyei, ka habe,

Daniela 4:3

E ti beönua anyin je haten! ke ti gan hmâ anyin ta je ûnyi hnân lâiâ gan! dokhu ae hmâ nyiele balua dokhon dokhu, ke hwân hnyi ke dö, ke ne o but ka hnyi ke dö anyin musi.

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Daniela 7:18

Ke ame he ka kap dokhu hnen tavat ae kap anyi Beönua, mödrin e hu bala bi dokhu, wale nyiele nyiele balua.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Obadia 1:21

Ke ame he tavat ûhomeli ka o ka hnyi bucen Ziona he ka owisa ka bucen anyi Esau; ke ka anyi Iehova bi dokhu.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Luka 1:33

ke e ame he ka muso lap anyi Jekob nyiele balua; ke ame he ka ba obiny dokhon dokhu.

Luka 10:22

A ham könya ta je ûnyi hia thithö hnö Cica: ke ba at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya hnen Nokon hna weny he ka omanenâ kâu.

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Ioane 3:35

Haba Kamen ame betenge ka Nokon, kʼ ame hna ta je ûnyi hia ka hnyi li hnyamen.

Heberu 12:28

Anyin a wale, ate me kap dokhu ae ca khanʼ ödra he ka obwebwelâ, me so ate me he ka hu ibe-tengiö baû, mʼ ate me he ka ânyâ huliwa ame he Khong ka senyinâ, me ogânâ e me ot:

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.

Hna Omanenâ 1:6

kʼ ame wiʼ öta me me dokhu me hnyat bihut ka Khong a Kamen; e so e unyin hmanenang me dokhu nyiele nyiele balua. Amen.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.