Daniela 7:13 - Iaai Bible 1901 (New Caledonia)

¹³ Ke oge me wâ je hna omanenâ hnyi lit, ke wâ bi, ame tha o me je ûlâiny drany, at helâ me nokon at, ke e ame o ka hingat kâû adrem, mʼ adre me hom e ka hnyi hnyimakan.

Daniela 7:13 Iomraidhean Croise

Salamo 110:2

Ame he Iehova ka kunâ uciny tang hwegiâm ûheny Ziona: U ma muso bi hnyi wanben ta je iwahnaihmiöny möu.

Salamo 2:8

Sumatö nya thö, me oge me he ka ham köu je hnyei hnân hwajekhom, Me je can hmeledrany hnân em hnyei.

Salamo 47:5

Ame ölö thö Khong tha e me hwahongot hwege, Wale Iehova me ifucin trutru.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Ezekiela 1:26

Ke e hnyi hon unyin ae lau ae hnyi hon je bodrin ke ûnyi helâ me theron, helâ me veto safairo; ke ethö hon ûnyi helâ me theron me hu bongon helâ me bongon at ethö hon e.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 7:12

Ke haba kolon je meno, me adre me hûgûnâ musi gadrin: ke so bi adre me obeûâ melidrin, ke ne o but hnyi ke huna me ûen.

Daniela 7:2

Haingö Daniela, ka habe, Oge me wâ hnyi hna omanenâ könya hnyi lit, ke wâ bi, ame ûhalupköu vak ta ang hon köiö ae gan.

Daniela 7:22

ke ne o but ame o hingat at kâû adrem, ke adre me hna ka tavat ae kap anyi Beönua he ka owisa; me ame o thö ûen me hu dokhu ge tavat ae kap.

Daniela 7:9

Inya oge me wâ ke ne o but adre otilâ je theron, ke ame laba hon ke hingat at kâû adrem: e hau anyin ûkhaû helâ me kiona, ke helâ me leûnen mamoe ae so leûnen ban, ke helâ me bâhlân meic anyin theron, ke helâ me meic ame hlâ je waengen.

Daniela 8:15

Ke haba inya Daniela, oge me wâ hna omanenâ, me oge me elâm bi he ka wâhmakhmeto e; ke wâ bi, ame tot ke at hnyi hnyimakök helâ me at.

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Mataio 24:30

me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mataio 26:64

Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mareko 13:26

Me adre me he ka wâ Nokon at ame he ka o hnyi ta je ûlâ tha e me man ae gan me hmanenang.

Luka 21:27

Ke hnyi ûen e adre me he ka wâ Nokon at ame utut kʼ ame tabâ ûlâ tha e me man, mo hmanenang ae gan.

Luka 21:36

Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Ioane 3:13

E ba at ame hia but ölö hnyi drany ai ke so thibi at ame utut ûheny hnyi drany, wale Nokon at a e hnyi drany.

Ioane 5:27

ke e ame ham minya kâu man he ka hnei, anyin a e Nokon at.

Ta je huliwa 7:56

me haingen, ka habe, Wâ bi, inya oge me wâ drany adre khong, me Nokon at ame tot hnyi ke keihen a metân Khong.

I. Thesalonika 4:17

ke haba öta tavat a öta möt, a je kolon, me adre me he ka tha köp öta thö mʼ ödra ka hnyi je ûlâ, he ka ûkhanö me Than ethö hnyi wanben: me ame he ka tha öta me Than nyiele balua.

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

Heberu 9:24

Anyin ame ca dit Keriso ka hnyi dok ae kap adre me ânyâ ge je hnyam, wale tulutiny ûnyi ae hnathu; ke so bi ka hnyi hing drany he ka manen walang ang hnyi hnyimakan Khong hnân hobi köta:

Hna Omanenâ 1:13

ke e hnyi wanben je taben lamepa a seven ke at helâ me Nokon at, a khavâ ûkhaû ame beû ke ne o but hnyi hnyeûcan, ke ame weikâ ûlainy ge wen a gol.

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

Hna Omanenâ 1:7

Wâbie ame he ka o hnyi ta je ûlâ; kʼ ame he bi ka wâ e hnen ta je ecmak hia, me tavat waleji adre me dâ e; ke ame he ta ie tribu hia eang hmeledrany ka tenge thungaû gan. Eke, Amen.

Hna Omanenâ 14:14

Ke oge me wâ, ke wâ bi, ûlâ ae hau; me ke at ame laba hon ûlâ helâ me ke nokon at, ame bicâ korona gol, ke e hnyi hnyamen hele hnân subö hwit ae so hwan.