Daniela 6:8 - Iaai Bible 1901 (New Caledonia)

⁸ Ke walang ang, than lö, u ma otilâ thö hna nyibon, me sihnalimen tusi, mʼ adre me ca he ka wia bi, hoton bongon hnanyibu anyin at Madai me Peresi, waleji adre me ca he ka wia.

Daniela 6:8 Iomraidhean Croise

Esetera 1:19

Ame ne so ka than, e so he ka kunâ hofuc hwan than ûnyi gam, me sihnalimen e hnyi je hnanyibu anyin at Peresi me Madai, me me ca wia bi, a gʼ ame ca he hmetu bi Vaseti ka o hnyi hnyimakö Asueru than; ke ame he than ka ham hanymen momo than ka ke at ae so hon.

Esetera 3:12

Me adre me hawâ tavat sihnalimen anyin than hnyi bong a thötininy tehi a bân, me adre me sihnalimen helâ me hnö Hamana hna hûna ka tavat musi ae beönua anyin than, me je gavena hnyi je ke keihen hnyei, me tavat muso je hnyei; ka ke ke keihen me ke ke keihen hnyei helâ me hna sihnalimen, me ka ke hnyei me ke hnyei hoton hwan je hnyei; ke adre me sihnalimen hnyi iö Asueru than, ke adre me ohmâ haten hnen wen banyen than.

Esetera 8:10

Ke e ame sihnalimen hnyi iö Asueru than, me ohmâ ge wen banyen than, me kunâ tavat ae logot adre me tabö hors, me je tusi, wale adre tabô hors ae logot wadring hanen je hors haleny than, adre hnokoâ unyin:

Esetera 8:3

Ke haba Esetera ame fuc hmetu hnyi hnyimakan than, kʼ ame ta hnyi li can, me tenge me khöû kâu he ka ohia hna he ka okongoâ ga Hamana at Agaga, me anyin bihihwakecin e ame ûnykûme ka at Juda.

Esetera 8:8

Ke öbu me he ka sihnalimen ka at Juda helâ me ûnyi ae so köbu, hnyi ien than, me ohmâ haten ge wen banyen than: anyin a haba tusi adre sihnalimen hnyi ien than, me ohmâ haten ge wen banyen than, e ca khana ke at he ka wia hmetu.

Salamo 94:21

Adre me tha ûkhacaköu he ka okongoâ hanon at ae wisa hwakecin, Me ohnaûbangöâ dra ae ba hnyikongon.

Isaia 10:1

EKÖLÖ ge tavat adre me otilö hnanyibu ae ca wisa, me tavat adre me sihnalimen ûnyi ae hwali:

Daniela 5:28

PARES; adre hia but kia dokhom dökhu me ham ka at Madai me Peresi.

Daniela 6:12

Me adre me he me ha ka than ge hnanyibu anyin than; Hawa, u je ca set iâm hnyi hnanyibu, a haba at ame he ka sumat ûnyi ge ke khong me at, ke ne o but hnyi je bong a thote, ke so bi köu thibi than, me adre me he ka khûâ e ka hnyi op liona? Ke haba than ame thu me ha, ka habe. E hnathu ûnyi e, helâ me hnanyibu anyin at Madai me Peresi, wale adre me ca he ka wia.

Daniela 6:15

Haba tavat eling adre me ûkhacaköu ka than me ha ka than, ka habe, Khanö u thö, than lö, a haba hnanyibu anyin at Madai me Peresi, mʼ adre me ca he ka wia hna nyibon me hnanyibu wale a otilâ than.

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.