Daniela 6:7 - Iaai Bible 1901 (New Caledonia)

⁷ Öhmun e hia but tha ûhnenamö a öhmun tavat musi hia ae beönua hnyi dokhu, ke je gavena, ke je musi ae gan, ke tavat ûhnenamö, ke je taben, hnân he ka otilâ hnanyibu anyin than, me ohmâ hna nyibon, ki habe, Haba at ame he ka sumâtâ ke ûnyi unyin ke khong me ke at ke ne o but hnyi je bong a thote, ke so bi köu thibi than, me adre me he ka khûâ ka hnyi op liona.

Daniela 6:7 Iomraidhean Croise

Salamo 10:9

E ame laba hnyi dok ae nuong helâ me liona hnyi umen op: E ame mokut duöng he ka kât at adre ovecâ: E ame kât at adre ovecâ, me lelö e hnyi ûten ert.

Salamo 2:2

Haba je tuhan hmeledrany adre me tet metâ, Ke ame tha ûsabö je taben, He ka hagutö Iehova me at e ame hû me haingödra, ka habe,

Salamo 59:3

Anyin a wâ bi, adre me mokut duöng ka hanuk; Tavat hwege adre me ûkhacaköu könya: Iehova lö, ca can hnok hna hanyâûâ, me monu.

Salamo 59:5

Haba u Iehova lö Khongon sabaoth, Khongu Isaraela, Todrö he ka senâ ta je hnyei hia thithö: Ca he ka betenge bi ge tavat ae kong adre hanyâûâ. [Sela.

Salamo 62:4

Adre me vhök ûhnenamö he ka hagutâ e ûnyi hnyi anyin so; Adre me senyinâ je thoi: Adre me haisoâ ge je hnyimödra, ke ûhangö bi eû hnyi hnyok. [Sela.

Salamo 83:5

Anyin adre hia but tha ûhanyinyâ hwegeâ; Ke adre me ohmâ ûhihinyköu ûö bi ûnyi möu:

Salamo 94:20

Hawa, ame he ka tha e möu taben lap anyin hwakecin ae kong, Waleji at ame tretrao ûkonguny me hnân hnanyibu?

Daniela 2:4

Me amo fuc at Kaledaia ka than hnyi hwen Suria, me ha, ka habe, E so e möt than nyiele balua; ha thö bwi kohmun a lathnyabaem, me öhmun e he ka omanenâ bongon.

Daniela 3:11

ke haba at ame ca he ka hnyi ta me khudrung, me adre me he ka khûâ ka hnyi thop ae möt ge meic.

Daniela 3:2

Ke haba than Nebukaneza ame ûkhûnöng he ka ûkhacaköuâ tavat musi ae gan, ke je gavena, ke tavat musi, ke tavat owisa, ke tavat tuö omjeû, ke tavat ha bongon hnanyibu, ke tavat ûhnei ge hnanyibu, ke tavat musi hia hnyi hnyei, ka hnyi dok adre me he ka okabâ hnyin hnatheat wale a otilâ hnen Nebukaneza.

Daniela 3:27

Ke ame wâ hnyat eling hnen tavat musi ae gan, ke je gavena, ke tavat musi, ke tavat ûhnenamö anyin than, wale adre ûkhacaköu, ae ba maniny meic hon je unyidrin, ke a ca hlâ bi leûnen bodrin, ke a ca wia bi tangen li cadrin, ke ca bon meic unyidrin.

Daniela 3:6

ke haba at ame ca he ka hnyi ta, me khudrung, me adre me he ka khûâ e hnyi awa eling ka hnyi thop ae möt hnyin meic.

Daniela 6:16

Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Daniela 6:22

Haba Khonguk ame kunâ anyin angela, me obuhlumo hnyimen je liona, mʼ adre me ca okongu nya: anyin adre me wâ ae ba hnyikonguk hnyi hnyimakan: ke haba khaca, than lö, e ba monu oge me ânyâ hnyi hnyimâkâm.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Nahuma 2:12

Haba liona ame oloû kia, ka oûco je lakon, me hlingâ hobi kâu laâiân, me öunöngötâ umen je op ge haniny, me umen je uma ge je hna hlingâ.

Mataio 12:14

Ke ame didrut ta je Faresaio he ka ûbnenamö gan, mʼ adre me he ka kâmâu he ka hlingâ.

Mataio 26:4

ke adre me ûhnenamoköuâ he ka kot Iesu ge iyawö, mʼ adre me he ka hlingâ e.

Mareko 15:1

A HNYOMAKATU but, me ame ie uhnenamö je taben tavat bihut, me wahingat, me hnyat sihnalimen, me tavat ûhnei hia, me adre me cö Iesu, me lelö thö e, me hna but e kö Pilato.

Ioane 12:10

Ke a ûhnenamö je taben tavat bihut he ka hlingö Lazaro minya;