Daniela 6:4 - Iaai Bible 1901 (New Caledonia)

⁴ Ke haba ke li at musi ae beönua ke tavat musi ae gan, me adre me elâm can ga Daniela ûnyi hnyi dokhu; ke ca khanʼ ödra he ka wâ ke can ke hulo: anyin a e hnathu, ke ba monu ke kongon adre me wâ gan.

Daniela 6:4 Iomraidhean Croise

Genese 41:38

Me haingö Farao ka lathnyabainy, ka habe, Hawa, ötin e he ka wâ at ae ûcû me at ang, ke e unyin Hanon Khong?

Genese 43:18

Kʼ ame ot je hnyat anyin adre me su ödrin ka hnyi hnyaba Josefa; kʼ ödrin e ûhaköu ka habe, Can je mone adre hitangen hnyi tangötin je tang hnyi ûen a bân, mʼ adre me su ötin kââng; me me he ka heleû can gatin, me ut kötin, he ka hom hwenbʼ ötin, me haletin je asina.

Ta je Vejec 29:27

Hûkötiânen tavat ae wisa, at ae hwali hwakecin: Ke hûkötiânen at ae kong, at ae fofâ hnyi gethen.

At Khet 4:4

Me oge me wâ ta je huliwa hia, me ta je unyi hia ae so adre me huliwan, a gʼ ame behnyokâ at ge ke at bi can e. Wale ke thatûnyi, ke adre me han ang.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 18:23

Ke so bi, Iehova lö, e khanö u hia anyidra ûhnenamö gak hnân he ka hlingö nya; ca he ka hna hwakecidra ae kong, ke ca he ka kot degecâ anyidra monu unyi hnyi hnyimâkâm: ke so he ka hagutʼ ödra but hnyi hnyimâkâm; ke ânyâ thö kodra hnen ânyâm hmonyin.

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 29:7

Ke elâm dö hnahicin taun waleji oge ûkhûnöng he ka hum öbun ka hnyin, ke hic dö kö Iehova hobi kâu e: anyin a hnyi hnahicin e, öbun e he ka hnyi hnahic.

Daniela 3:8

Anyin a wale hnyi ûen eling ame hakekeny keihen at Kaledaia, me khûâ at Juda.

Daniela 5:12

anyin adre me wâ hnyok ae beönua unyi Daniela eling, ke wâhmakhmeto, ke wâ ûnykûme, kʼ ame omanenâ bongon je bwi, kʼ ame wia je hofuc ae iyong, ke thang ta je vhet, ke haba than ame hwenyi ien e me Beletisaza. Ke walang, e so he ka hum Daniela, me ame he ka omanenâ bongon.

Daniela 6:22

Haba Khonguk ame kunâ anyin angela, me obuhlumo hnyimen je liona, mʼ adre me ca okongu nya: anyin adre me wâ ae ba hnyikonguk hnyi hnyimakan: ke haba khaca, than lö, e ba monu oge me ânyâ hnyi hnyimâkâm.

Mataio 26:4

ke adre me ûhnenamoköuâ he ka kot Iesu ge iyawö, mʼ adre me he ka hlingâ e.

Mataio 27:18

Anyin ae khana but a gʼ adre hna e can ihuhnyinköu.

Luka 20:20

Ke adre me tuö e, me kunâ keihen he ka ecmâkâ, me iyawâ hwakecin ae wisa, kʼ ödrin thoi bi, mʼ adre me he ka kât e ge ta je ifucin, mʼ adre me he ka hna but e ka tavat owisa, me musi anyin gavena.

Luka 20:26

Ke ca khanʼ ödrin he ka kât e ge ifucin hnyi hnyimakan tavat: ke adre me lâiâ hnen hna thu, me laba hnyibû.

Luka 22:2

Haba je taben tavat bihut, me tavat sihnalimen adre me heleû deny he ka hlingâ e; anyin adre me outen tavat.

Ioane 19:4

Haba Pilato ame dit hmetu but, me ha kodra, ka habe, Wâ bi oge ma odilâ but e köbun, me me manen köbun a oge me ca wâ thö ke monu gan.

II. Korinito 11:12

Ke haba hnok hna ânyâ, me oge me he bala ka ânyâ e, mʼoge me thelöng deny tavat waleji adre me heleû can; me me manen dut a ödra ûcû mʼ öhmun hnyi hnödra hna hobeluâ.

Filipi 2:15

me me ba hnyikongubun me hna okongoâ, mʼ öbun lakon Khong bi, ke ba kongon hnyi hnyimakan dö ae hwali ke ûkhin fuc, ke so öbun e umumelam ködra hwakecibun, helâ me je melaminy hmeledrany,

I. Timoteo 5:14

Anyin a wale inya oge me wek e me he wasafac hmai ka faipaipo, me hnokoâ lakudrin, me tuö hnyabadrin, me me ba can he ka haikongoâ hnen iwahnaihmiony:

Tito 2:8

me hofuc ae metâ, ke ca khanʼ ödra he ka haikongu ödra; me me hmehma but at ame ûö bi ûnyi, anyin ae ba ke ûnyi ae monu hnân he ka hai öta.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 3:16

ke e hu gabun ûnykûm sa ae so; waleling me me hmehma ju tavat adre me haikongo hwakecibun ae so unyin Keriso: anyin adre me haikongu öbun.

Owisa 14:4

Ke ca khana kamen me hinyen a ûnyi ga Iehova e; anyin a e ame heleû can unyin at Filisiti. Ke haba at Filisiti ame muso at Isaraela hnyi ûen eling.

I. Samuela 12:4

Ke haingödra, ka habe, U je ca iyawʼ ohmun, me oveci ohmun, ke ba ûnyi u je hom ûnyi ge ke at.

I. Samuela 18:14

Ke Davita ame ânyâ metâ hnyi ta je hwakecin; ke e bi Iehova unyin.

I. Samuela 22:14

Me Ahimelek ame thu ka than, ka habe, Ke ie at ae hnathu unyin lathnyabaem hia helâ me Davita, a ûngon than, kʼ adre hom ka hnyi ânyâm ûhnenamö, me ogânâ hnyi hnyabam?