Daniela 6:3 - Iaai Bible 1901 (New Caledonia)

³ Ke adre me oûnyihnathu Daniela hon ke li at musi ae beönua ke tavat musi ae gan, anyin a e unyin hanon ae ti so; ke ûnykûmenen than he ka otilâ e hon dökhu hia.

Daniela 6:3 Iomraidhean Croise

Ezera 4:22

Ke wâ wia ju me ca ânyâ becâ: anyin a ieû ame he ka kû ûnyi ae kong me oûhnyûkongoâ je ûnyi anyin je than?

Nehemia 7:2

me oge me kû Hanani liamekeiny mönya, me Hanania at ame muso hnabâ, he ka musi hnyi Jerusalema: anyin a e at ae wisa, kʼ ame ti outen Khong hon tavat ae se hia.

Esetera 10:3

Anyin a haba Modikai at Juda me ûtang-köu me Asueru than, ke at ae gan hmâ unyin at Juda, ke haba je liamekeiny më ae se hia me adre me kap soâ; kʼ adre me elâm soiny iny hnyei, me ha hnahicâ je mâtrâniny hia thithö.

Ta je Vejec 17:27

Haba at ame takoû hwan ta je hofuc, me ame wâhmakhmeto: Ke haba at ae menyik hnyekon, me at ame wâ ûnykûme.

Ta je Vejec 22:29

U je wâ but at ame ânyâ logotâ anyin huliwa? awe, e ame he ka tot hnyi hnyimakan je than; E ame ca he bi ka tot hnyi hnyimakan hoûmonu.

At Khet 2:13

Ke oge me wâ but ae ûnyi hnathu metâ hon hwen monu, helâ me lany ae ûnyi hnathu hon menekholom.

Daniela 5:12

anyin adre me wâ hnyok ae beönua unyi Daniela eling, ke wâhmakhmeto, ke wâ ûnykûme, kʼ ame omanenâ bongon je bwi, kʼ ame wia je hofuc ae iyong, ke thang ta je vhet, ke haba than ame hwenyi ien e me Beletisaza. Ke walang, e so he ka hum Daniela, me ame he ka omanenâ bongon.

Daniela 5:14

Oge hia but löng gam a e unyâm hanon je khong, ke adre me wâ melam unyâm, ke wâ ûnykûme, ke metâ ae beönua.

Daniela 5:7

Haba than ame ha hwegiâ he ka hom tavat bihihwakecin, me at Kaledaia, me tavat tren khong. Ke than ame ha ka tavat metâ hnyi Babulona, ka habe, Haba at ama aû hna sihnalimen ang, me omanenâ könya bongon e, me adre me he ka okhavâ ge ûkhaû ae udrudrâ hlit, ke ovhekinyâ ge sawakiny gol, ke e ame he ka tot me at a kuniny unyin je musi hnyi dokhu.

Daniela 9:23

Haba hnyi ûen u je hwân ka khöû, adre me hûna, me oge me o but he ka thumetu u; anyin adre me ti betenge gam; anyin a wale, wâ ûnykûme thö ûnyi eling, me wâhmakhmeto hna omanenâ.