Daniela 6:23 - Iaai Bible 1901 (New Caledonia)

²³ Me haba than ame senyin gan hmâ, me ûkhûnöng he ka öû Daniela ûnyi hnyi thop. Me adre me öû Daniela ûnyi hnyi thop, ke ba aat adre me wâ gan, anyin a e ame labageju ka Khongon.

Daniela 6:23 Iomraidhean Croise

I. Je Than 5:7

Ke a long ut Hirama hofuc ho Solomona, me e ame senyin gan hmâ, me ha, ka habe, Ole kö Iehova hnyi bong ang, at ame ham kö Davita nokon ae metâ he ka muso hnyei eling ae gan.

I. Man Ûlabainy Je Than. 5:20

Ke adre hadruʼ ödrin he ka vat mödrin, ke adre hna ködrin at Hagara, me je lahiödrin hia: anyin a ödrin e hongot kö Iehova hnyi vat, me e ame ling ödrin; anyin a ödrin e labageju kâu.

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

Salamo 18:21

Anyin oge hia but vheno je gethen de Iehova, Ke oge me ca saû degec monoâ Khonguk.

Salamo 37:40

Ke Iehova ame hadruʼ ödra, me hûgûnʼ ödra: E ame hûgûnʼ ödra ûnyi ge tavat ae kong, me omeli ödra, Anyin adre me lubaduöng unyin.

Esodo 18:9

Ke Jethero ame senyinâ je so hia a ânyâ Iehova ka at Isaraela, waleji hna omeli odra ûnyi hnyi hnyamen at Aigupito.

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 26:3

U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 3:25

Me e ame thu me ha, ka habe, Wâ bi, oge me wâ hnyat a ödrin vak kʼ adre thang bi, ödrin e ngenu hnyin meic, kʼ ödrin e ca kong bi; ke haba unyin at a vakiny, me helâ me unyin ke khong.

Daniela 6:14

Ke a long ut than hofuc eling, me e ame vec gan hmâ, me ip hmâ hnyi hnyekon he ka omeli Daniela: ke e ame huliwa ke ne o but ame didrut seûno he ka omelo e.

Daniela 6:18

Me ame he than ka hnyi umen uma, kʼ ame ca han hnyi lit; kʼ adre me ca hom ta je ûnyikhumöng ka hnyi hnyimakan: ke e ame ca mokut.

Mareko 9:23

Haba Iesu ame ha kâu, ka habe, A ne khanö u bi! E khana ta je ûnyi hia hnen at ame labageju.

Heberu 11:33

waleji tavat adre me hom hwenbâ je dokhu ge labageju, me mâdrâ hwakecin ae wisa, me hu ta je hna ha bânâ, me hlöng ta je hnyimen liona,