Daniela 6:16 - Iaai Bible 1901 (New Caledonia)

¹⁶ Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Daniela 6:16 Iomraidhean Croise

II. Samuela 3:39

Ke iny sēnyin dut hnyi bong ang, eja ke ne adre me hia but hû nya hnân than; ke ti hmak könya li at ang a li laku Zeriua: e so Iehova ame he ka bi hwaban ka at a ânyâ hwakecin ae kong hoton anyin bi monu.

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Jeremia 26:14

Ke haba inya, wâ bi, inya but hnyi hnyamöbun: ânyâ thö könya helâ me ûnyi ae so me ûcû könya.

Jeremia 38:5

Ke haingö Zedekia than, ka habe, Wâ bi, e but e hnyi je hnyamöbun: anyin ae ca khana bi than he ka ve e möbun.

Jeremia 38:6

Me adre me hum Jeremia me khûâ ka hnyi hmonop anyi Malekia nokon than, ae hnyi hnyeuleny uma ceat: ke adre me hnöhnö Jeremia but ge je tö. Ke ba but köiö hnyi hmonop ke hmudra thiju, ke ame cilok ut Jeremia hnyi hmudra.

Jeremia 39:17

Ke haingö Iehova, ka habe, Oge me he ka omeli u hnyi bong eling; ke adre me ca he ka hnö u ka hnyi hnyamen tavat waleji u je outen.

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Daniela 6:7

Öhmun e hia but tha ûhnenamö a öhmun tavat musi hia ae beönua hnyi dokhu, ke je gavena, ke je musi ae gan, ke tavat ûhnenamö, ke je taben, hnân he ka otilâ hnanyibu anyin than, me ohmâ hna nyibon, ki habe, Haba at ame he ka sumâtâ ke ûnyi unyin ke khong me ke at ke ne o but hnyi je bong a thote, ke so bi köu thibi than, me adre me he ka khûâ ka hnyi op liona.

Ta je huliwa 24:27

Hwaban lo li huna, kʼ adre me tilö hwabö Filiki, jia Pokio Feso; ke haba Filiki ame weny he ka osenyinâ at Juda, me e ame hnö Paulo bala hnyin uma ceat.

Ta je huliwa 25:11

Ke a ne hu anyik monu, me ke ûnyi oge ânyâ ae ûcû könya he ka mok hnyin, iny ca höcö bi he ka mok: ke e ka ba hnathu hnyi ta je ûnyi adre me bi fuci nya hnyin, e ba minya at ae khana he ka hnö nya kodra. Inya oge me hawo Kaisara.

Ta je huliwa 25:9

Ke haba Feso ame weny he ka osenyinâ at Juda, me e ame thu kö Paulo, ka habe, E wem he ka he Jerusalema ai, mʼ adre me he ka hnö eling ta je ûnyi hnyi hnyi-makök?

Roma 13:3

Anyin a haba tavat musi, me ca hnân ootâ bi at ame mâdrâ so, ke so bi at ame mâdrâ monu. Hawa, e wem u me ca he ka outen at ame musi? ânyâ thö hwakecin ae so, me wale ûnyi ame he ka haisoi u:

II. Korinito 1:10

wale at ame omeli öhmun ûnyi hnyi mok ae gan helâe, kʼ ame he bi ka omeli öhmun: ke öhmun e geju kâu a gʼ ame be bala ka omeli öhmun;