Daniela 6:10 - Iaai Bible 1901 (New Caledonia)

¹⁰ Ke e khanö Daniela but a gʼ adre set ut tusi, me e ame didro ka hnyi umen uma; (ke adre khong je mamalaminy hnyeuleny cico Jerusalema;) ke e ame ibi okun cibouca hnyi je bong, me hic, me ole hnyi hnyimakan Khongon, helâ me hnen bi hna labö khenenâ.

Daniela 6:10 Iomraidhean Croise

I. Je Than 8:30

Ke long ju sumat anyin athnyabaem, me lakem a Isaraela, ödrin ka he ka hic hnyi dok ang: eke, long ju u e hnyi drany wale hnyabam; ke u ka long ut, ō u thang ut.

I. Je Than 8:38

haba je hic hia me hna sumat hia hnen ke at, ame ne lakem a Isaraela hia, a tavat adre me ve wâhmakhmetoâ vecin je hnyekudrin, me hai li hnyamödrin ka hnyi uma ang:

I. Je Than 8:44

Ame ne he lakem he ka vat me je iwahnaihmiony mödrin, hnyi hnâm hna kunʼ ödrin kâu, ke ödrin e he ka hic kö Iehova cicö taun wale u je ûca, me uma wale oge ânyâ hobi kâu iâm:

I. Je Than 8:54

Ka um do Solomona hijöta je hic eling me sumat kö Iehova, me e ame todrö ûheny hnyi taben hut anyi Iehova, ûheny hnyi hna cibouca me hna hai li hnyamen hnyi drany ai.

II. Man Ûlabainy Je Than. 6:13

(ke a hia but Solomona ânyâ ke tap a bras, faiv kubit ibeûen, ke faiv kubit ûlauen, ke kun ta kubit goranyai, me ip e hnyi wanben hnyeule; ke e ame tot hon, me cibouca hnyi hnyimakan ûkhacaköu hia anyin Isaraela, me hai hnyi dranyai li hnyamen:)

II. Man Ûlabainy Je Than. 6:38

ödrin e ne hmetu köu ge hnyekudrin ae bekhot me hanudrin ae bekhot hnyi hnyei ödrin e laba hwenbâ hnyin, wale adre lili ödrin me hwenbâ ka hnyin, me hic cicö idrin hnyei, waleji u je ham ka lakamödrin, me taun u je ûca, me uma wale o ge ânyâ hobi kâu iâm:

Ezera 9:5

Ke hnyi ûen adre me hudo hnyi sahac, me oge me todrö ûhek hnyi anyik hmak, kʼ ame khekhe but ûkhaûik me anyik ûkot; me oge me cibouca, me hai li hnyamok kö Iehova Khonguk;

Nehemia 6:11

Ke haingök, ka habe, Ame he at a helâ mönya ka kec? ke ewa at ae ûcû mönya ame he ka kec ka hnyin uma kap he ka omelö e bi? Oge me ca he ka kec ka hnyin.

Salamo 34:1

OGE me he bala ka haisoi Iehova hnyi je ûen hia; Ame he bala hnyimök ka oganâ e.

Salamo 5:7

Ke haba inya, oge me he ka didro ka hnyin umâm uma hnyi ânyâm je ibetengiö ae se hia: Ke oge me he ka khudrung ka hnyi umâm uma ae kap me ot köu.

Salamo 55:17

Oge me he ka tenge me mâng, hnyi sahac me hnyomakatu, me jebigö: Me e ame he ka long ifucik.

Salamo 86:3

Than lö, betenge ju gak; Anyin oge me hongot bala köu hnyi je bong.

Salamo 95:6

Ai öbun, e so ate me he ka khudrung ju me nom; Ate me he ka cibouca hnyi hnyimakö Iehova at a up ota:

Daniela 6:13

Me adre me thu me ha ka than, ka habe, Haba Daniela hanen je bâ anyin at Juda, me e ame ca outö u, than, me hnanyibu u je set iâm hnyin, ke e ame ibi okun sumâtâ ta je ûnyi hnyi je bong.

Daniela 9:4

Me oge me hic kö Iehova a Khonguk, me omanenâ, ka habe, Than lö, a Khong ae gan ke hna outen, at ame tuö ûhihinyköu me ibetengiö ka tavat adre me hnyok kâu, me vheno anyin ta je hnanyibu;

Jona 2:4

Me haingök, ka habe, Adre me hota degeci nya ûnyi hnyi hnyimâkâm; Ke so bi, oge me he hmetu ka bwele ka hnyi umâm uma ae kap.

Mareko 3:3

Ke e ame ha ka at ae meleca hnyamen, ka habe, Todrö hnyi wanben.

Luka 14:26

A ne hu at ame he ka o könya, ke ame ca hociâ bi kamen, me hinyen, me âiân, me lakon, me je liamekeiny, me lahaniny, me anyin minya bi möt, e ca khana he ka bi hanen ta je latök.

Luka 22:41

Ke e ame ûsâkâûö mödrin, helâke me hobenyin at; ke e ame cibouca, me hic,

Ta je huliwa 10:9

Nyi, tiga ödrin eû hnyi gethen, ödrin hakekeny jut ka hnyi taun, haba Peteru ame ölö thö ka hnyi hon uma he ka hic [hnyi awa a siksiny:

Ta je huliwa 2:15

Anyin a ca monu bi hnyat ang ge waina, helâ me hnobun hna ûnykûme; ke tiga awa a kuniny ang;

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 20:36

Ke a hia but ha hofuc e, me e ame cibouca me tha hic mʼ ödra hia.

Ta je huliwa 21:5

Ke ame um dö ta je bong e, me ohmun e didrut me he but; ke ödrin hia adre me su ohmun tha ödrin me lâiödrin me lakudrin, ke ne o but hnyi hoton taun: me ohmun e cibouca eû göny me hic,

Ta je huliwa 3:1

HABA Peteru me Ioane ödru me tha he ka hnyin uma kap hnyi ûen hic, hnyi awa a naininy.

Ta je huliwa 4:29

Ke walang ang, Than, ö u wâ ju anyidra ta je hna ootâ: me ham dö ka lathnyabaem he ka hwege ha hwâm hofuc,

Ta je huliwa 5:20

He thʼ öbun ka tot hnyi uma kap, me khetâ ka tavat ta je hofuciny Möt eling.

Ta je huliwa 5:29

Haba Peteru me je aposetolo ödrin e thu, ka habe, E ûcû kohmun he ka long hoton Khong hon at.

Ta je huliwa 7:60

Ke e ame cibouca, me fuc hwege goranyai, ka habe, Than lö, ca bi hwaban kodra monu eang. Ke a hia but ha e, e ame mokut ut.

Ta je huliwa 9:40

Ke haba Peteru ame obʼ ödrin dut hnyou ai, kʼ ame cibouca me hic; ke e ame hwio thö ka komok, me ha, ka habe, Tabitha lö, todrö. Me ame bwela but li emakan momo; ke e ame ō Peteru, me e ame laba thö.

Efeso 3:14

Anyin a wale inya oge me cibouca ka Kamen,

Filipi 1:14

ke haba hna cö nya, me ame ha hwegiâ je hnyat me lakeiny ae se hia unyin Than, mʼ adre me hwege hmonyin he ka ha hofuc hwan Khong me ca ot.

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

Filipi 4:6

Ca kong hnyekunâ ge ta je ûnyi; ke so bi hnyi ta je ûnyi hia thithö, omanenâ je webun ka Khong hnyi hic me sumat me ole.

Kolose 3:17

Ke haba ta je ûnyi hia öbun e ânyâ hnyi hofuc me huliwa, me ânyâ hia thö hnyi ien Than Iesu, ke oleâ ka Khong a Kamen deny e.

Heberu 13:15

Anyin a wale e so ate me hudo bala hudiny ogânâ Khong a deny e, wale wan ta je esongodita ame hâiâ ien.

Heberu 4:16

Anyin a wale e so ate me he ka hwege ûhakekenyâ theroniny ibetengiö baû, mʼ ate me he ka kap ibetengiö, me wâ ibetengiö baû hnân he ka hadruʼ öta hnyi ûen ae ûcû.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 2:13

E khanö nya dok u me laba hnyin, wale hnyi theron anyi Satana: ke u je kât hmâ iök, me ca ivinoâ labageju könya, waleji hnyi je bong bongu Anetipa ae hnathu, at ame ohnathu nya, waleji adre hlingâ unyibun, hnyi dok ame laba hnyin Satana.