Daniela 5:7 - Iaai Bible 1901 (New Caledonia)

⁷ Haba than ame ha hwegiâ he ka hom tavat bihihwakecin, me at Kaledaia, me tavat tren khong. Ke than ame ha ka tavat metâ hnyi Babulona, ka habe, Haba at ama aû hna sihnalimen ang, me omanenâ könya bongon e, me adre me he ka okhavâ ge ûkhaû ae udrudrâ hlit, ke ovhekinyâ ge sawakiny gol, ke e ame he ka tot me at a kuniny unyin je musi hnyi dokhu.

Daniela 5:7 Iomraidhean Croise

Genese 41:8

Ke haba hnyi hnyomakatu me ame hmak hnyekon; me e ame ûkhûnöng ka hawâ ta je magoi Aigupito hia me tavat ae metâ hia: ke Farao ame aû gaga ködrin bwiny; ke ba at ae khana he ka ha bongon kö Farao.

Esetera 3:1

KE hwaban ta je ûnyi e haba Asueru than ame oganö Hamana nöku Hamedatha at Agaga, me ogöranyâ e, me ip taben tap hon taben je than hia unyin.

Esodo 7:11

Me haba Farao ame hawâ tavat metâ me tavat tren khong: me haba odrin minya a je magoi hnyi Aigupito odrin e ânyâ helâe ge anyidrin je bibihwakeoin.

Ta je Vejec 1:9

Anyin ame he ka helâ me korona ae hmanenang hon bâm, Ke sawakiny hnyi nyem.

Khumöng Hwanyi Solomona. 1:10

E hmanenang li wahicâm ge je leûnen adre hwâwâ, Ke nyem ge sawakiny.

Isaia 47:13

U at ae sēnyin ge ânyâm je ûhnenamö ae se hia: e so ame he tavat adre me khenâ drany, ke tavat adre tuö je okhû, ke tavat wâ tremângâ je tehi, he ka tot me omeli u ûnyi hnyi ta je ûnyi ame he ka o köu.

Jeremia 50:35

Ke haingö Iehova, ka habe, E hu hele vat hon at Kaledaia, ke hon tavat adre me laba hnyi Babulona, ke hon anyin je taben, ke hon anyin tavat ae metâ.

Ezekiela 16:11

Ke oge me otheibi u ge je omecin, me inâ li waen hnyi li benyâm, me ovekinyi u ge ong sacen.

Daniela 1:20

Ke haba hnyi ta ûnyi hia ge metâ me wâhmakhmeto, wale ame hnei ödrin gan than, e ame ö ʼdrin a ten beonuâ anyidrin metâ hon metâiny ta je magoi hia me tavat bihihwakecin hnyi dokhon dokhu hia.

Daniela 1:4

a je thoth ae ba hnyikongudrin, hnyat ae hmanenang he ka wâ, ke hnyat ae khanʼ ödrin je metâ hia, kʼ ödrin e wâhmakhmeto, ke tremângâ je hna ûne, hnyat ae ûcû he ka tot hnyi uma umen than; me hamen be ka nʼ ödrin ge ûne ke hwen Kaledaia.

Daniela 2:2

Me haba than ame ûkhu-nöng he ka hom je magoi, ke tavat bihihwakecin, ke tavat tren khong, ke tavat Kaledaia, he ka omanenâ ka than je bwiny. Me ödrin e o but me tot hnyi hnyimakan than.

Daniela 2:27

Me Daniela ame thu hnyi hnyimakan than me ha, ka habe, Haba ûnyi ae iyong wale u je elâm, than, ke ca khana bi tavat ae metâ, ke tavat bihihwakecin, ke je magoi, ke tavat tren khong he ka omanenâ ka than;

Daniela 2:48

Me haba than ame ogöranyi Daniela, me ham kâu je bwihlany ae gan, me otilâ e he ka muso hnyei Babulona hia, me wia e me taben ae beönua hon tavat ae metâ hia hnyi Babulona.

Daniela 2:6

Ke so bi öbun e ne he ka omanenâ bwi me bongon e, awe, öbun e he ka hu ûnyi gak je bwihlany me hwaban, kʼ adre me he ka ogânʼ öbun: anyin a wale omanenâ thö könya bwi me bongon e.

Daniela 4:14

Me e ame hongot hwegiâ, ka habe, Sö but ûö, ke subâ but ta je anginy, ke jijingâ degecâ but je lan, ke ve khûâ je wan e: e so e kec ut ûnyi hnyi hmelen e ta je meno adre me he, ke je meno ame gâ ûnyi hnyi je anginy.

Daniela 5:11

e hu ke at hnyi dokhom dokhu a e unyin hanon je khong ae kap; ke haba hnyi ûen kamâm, me adre me wâ unyin melam, ke wâ ûnykûme, ke metâ, helâ me metâ anyin je khong: ke haba Nebukaneza than a kamâm, wale than a kamâm bi, me e ame otilâ e hnân taben ka ta je magoi, ke tavat bihihwakecin, ke at Kaledaia, ke tavat tren khong;

Daniela 5:15

Ke adre hia but hom tavat ae metâ ka hnyi hnyimakök, a tavat bihihwakecin, inʼ adre me he ka aû hna sihnalimen ang me omanenâ könya bongon: ke ca khanʼ ödra omanenâ bongon ûnyi e.

Daniela 5:16

Ke oge me löng gam a e khanö u he ka omanenâ bongon, me thang ta ja vhet: ke walang a ne khanö u he ka aû hna sihnalimen, me omanenâ könya bongon, me adre me he ka okhaûo u ge ûkhaû ae udrudrâ hlit, me ovhekinyi u ge sawakiny gol, ke u me he ka at a kuniny bi unyin je musi hnyi dökhu.

Daniela 5:29

Me haba Belesaza ame hûna, me adre me okhaûo Daniela ge ûkhaû ae udrudrâ hlit, me ovhekinyâ e ge sawakiny gol, me haimemenâ gan a e ame he ka at musi a kuniny bi hnyi dokhu.

Numera 22:17

anyin a oge me he ka ti oganö u, ke oge me he ka ânyâ ta je ûnyi hia u me he ka ha könya: anyin a wale ö u he but jem me hangâ tavat eang hobi könya,

Numera 22:7

Me ame he wahingatiny Moaba me wahingatiny Midiana, kʼ ödrin e hom hwaban biobotkong hnyi je hnyamödrin; ke ödrin e o but unyi Balaama, me ha kâu hofuc ho Balaka.

Numera 24:11

Ke walang ang kec dö ka hnyi em hnyei: oge me ûnykûme he ka oganö u, ke wâ bi, Iehova ame behânâ gam hna ogânâ.

I. Samuela 17:25

Me ame ha at Isaraela, ka habe, Öbun e wâ at eang ame o? ame o he ka humbasö at Isaraela: ke haba at ame he ka hlingâ, me ame he than ka otenâ gan hmâ omjeû, me ham kâu nokon hlu, ke adre me he ka hna gufa lap anyin kamen hnyi Isaraela.