Daniela 5:23 - Iaai Bible 1901 (New Caledonia)

²³ ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Daniela 5:23 Iomraidhean Croise

Genese 14:19

Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany:

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

II. Je Than 14:10

E hnathu u je kot at Edoma, kʼ ame ogöranyi u ge hnyekom bi: senyin dö, ke laba ju hnyi hnyabam; anyin a ieû u me he ka okûâ monu, me u me he ka ta me at Juda a tha ödrin möu?

Jobu 12:10

Haba e hnyi hnyamen hanon ta je ûnyi hia ae möt, Me homenâ anyin tavat hia thithö.

Jobu 31:4

Hawa, e ame ca wâ dek je gethen, Me aû hia hnok hna okca?

Salamo 104:29

U je ikhâlâ hnyimâkâm me adre me hlohlo; U je hom hmetu homenâ gadra, me adre me mokcu, Kʼ adre me hmetuhmetu ka hnyi sesâ.

Salamo 115:16

Haba ta je drany, me je drany anyi Iehova; Ke e ame ham hmeledrany ka ta je lakon at.

Salamo 139:3

U je elâm wia dek gethen me hnok hna mokut, Me khenenâ dek ta je gethen hia.

Salamo 146:4

Ame he but homenâiny, me e ame hmetuhmetu ka hnyi kânâiny; Hnyi bong eling e ame ca ûnykûme hmetu bi.

Ta je Vejec 20:24

Ûnyi ga Iehova ta je hna okca hnen at; Ke ame he at ka kâmâu ka wâ ûnykûme deny gethen?

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 14:13

Ke u je ha eû hnyi hnyekom, ka habe, Oge me he ka ölö hnyi dranyai, oge me he ka ogöranyâ anyik theron hon je okhû anyin Khong; ke oge me he ka laba hon buceniny ûkhacaköu hnyi ke keihen ka hnyi hwadro:

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 33:10

Ke haingö Iehova, oge me he bi nya walang ang ka tot; oge me he ka oganö nya bi walang ang; kʼ adre me he walang ang ka ogöranyi nya.

Isaia 37:19

me adre hia but khûâ je khongudrin ka hnyi meic: anyin a ödrin ca je khong bi, ke so bi huliwa anyin je hnyamen at, kʼ ödrin uto me veto bi; anyin a wale adre ohiʼ ödrin.

Isaia 37:23

U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

Isaia 42:5

Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

Jeremia 10:23

Iehova lö, e khanö nya but a ca hanymen bi at deny gethen: e ca hanymen at ame he ka owisa hnen je hna okca.

Jeremia 48:26

Habelen ju ge grâg me me monu; anyin a e ame bi gan kö Iehova: ke ame he Moaba ka seset hnyi hûen hna hmita, ke adre me he ka wia e hnân hlumâ.

Jeremia 50:28

Ifucin tavat adre me kec me tavat ae mot ûnyi hnyi hnyei Babulona, mʼ adre me haimemenâ hnyi Ziona hna bi hwaban hnö Iehova Khonguta, wale hwaban ge umen uma kap.

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Ezekiela 28:17

E bi gan dut hnyekom ge ânyâm hmanenang, e monu but ânyâm metâ hnen ânyâm mec: oge hia but khûö u hnyikânâi, oge hia but ip u hnyi hnyimakan je than mʼ adre me he ka ö u thö.

Ezekiela 28:2

Nokon at lö, ha thö ka je tuhan Turo, ka habe, Walang hna ha hnen Than Iehova, ka habe, Anyin ae bi gan hnyekom, ke u je ha, ka habe, Inya ang ke khong, me oge me Aba hnyi tap taben Khong hnyi wanben je köiö; ke so bi u thibi at ke ca Khong, ke u je oûco hnyekom me hnyekon Khong:

Ezekiela 28:5

u je hia but osehia ânyâm ta je ûnyi hnen ûganiny ânyâm metâ, ke hnâm hna ûcû, me bi gan hnyekom hnen tang omjehem:

Ezekiela 31:10

Anyin a wale, walang hna ha hnen Than Iehova, ka habe, Anyin a u beû göranyai, ke e bi ban hnyi je ûlâ, ke ethö hnyekon hnyi ibeûen;

Daniela 11:12

Ke ame he ka bi gan utbavat, ke ame he ka gorany bi hnyekon: ke e ame he ka ota je miriad, ke e ame ca he ka ton.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Daniela 8:11

Eke, e ame ka ogânâ e ke ne o but ka hnyi taben je utbavat; kʼ ame hûgûnâ gan hudiny leû adre labö hudo bala, kʼame hagutâ but hnen e, a dok ae kap.

Habakuka 2:4

Wâ bi, ame bi gan hnyekon, kʼ ame ca fofâ bi eû hnyin: ke ame he at ae wisa hwakecin ka möt hnen anyin labageju.

Ta je huliwa 17:25

ke ame ca huliwa minya kâu hnen ta je hnyamen at, helâke adre me ânyâ ka theduoc, anyin a e ame ham hia möt, me homenâ, me ta je ûnyi hia ka ta je ûnyi hia;

I. Korinito 8:4

Haba ge hna an ta je ûnyi adre hudo ka ta je hnatheat, e khanʼ öta ae ûnyi baû eang hmeledrany hnatheat, ke ba minya ju ke Khong, ke khaca thibi.

I. Timoteo 3:6

ca at ame ibi hni, wâ e nye began me ame kolu but ka hnyi hnaûhango anyin diabolo.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Hna Omanenâ 9:20

Ke haba kolon tavat adre ca hlingâ bi ge ta je mok eling, me adre me ca ietra bi ta je huliwa anyin je hnyamödra, a gʼ adre me khudrung ka ta je demoni, ke je hnatheat gol, me sileva, me bras, me veto, me uto; a ta je ûnyi ae ca khanʼ ödra bwele, me löng, me he:

Owisa 16:23

Ke haba je tuhan at Filisiti ödrin e ûkhacaköu he ka hudo hut ae gan kö Dagona a khongudrin, me he ka senyin: anyin a haingödrin, ka habe, a hia but khongutin hnö Samasona a iwahnaihmiony mötin ka hnyi hnyamötin.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 17:36

Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.