Daniela 5:13 - Iaai Bible 1901 (New Caledonia)

¹³ Me adre me hum Daniela ka hnyi hnyimakan than. Ke haingen than kö Daniela, ka habe, U Daniela hanen je bâ anyin at Juda, waleji hnen than a kamök hna hom ûheny Juda?

Daniela 5:13 Iomraidhean Croise

Ezera 10:16

Ke haba je lakon hoûbâ adre me ânyâ helâ me hna ha. Ke adre oûsâkâûö Ezera at bihut, tha e me ke je kamen ae beönua, hoton je lap anyin je lakamödrin, ke adre hâiâ iödrin hia; ke ödrin e laba hnyi bong a bâniny tehi a teniny he ka elâm ûnyi eling.

Ezera 10:7

Ke ödrin e haimenenâ ka lakon je bâ hia thithö hnyi Juda me Jerusalema hia, he ka ûkhacaköu hnyi Jerusalema;

Ezera 4:1

KE ame long je iwahnaihmiony me ai Juda me Beniamina a gʼ ame he but je lakon bâ ka op uma umo Iehova, Khongon at Isaraela;

Ezera 6:16

Ke haba lakon Isaraela, me tavat bihut, me at Levi, me je kolon a je bâ, me adre me delec uma umen Khong me senyin.

Daniela 1:1

HNYI huna a kuniny musi a Jehoiakima than Juda, haba Nebukaneza than Babulona ame o hnyi Jerusalema me thelöng e.

Daniela 1:2

Ke haba Than ame hnö Jehoiakima than Juda ka hnyi hnyamen, tha e me ke je omjehen uma umen Khong; me e ame sukhöûnâ ka hnyi hnyei Sinara ka hnyi uma umen khongon: ke e ame ip je omjehen ka hnyi uma omjeû umen khongon.

Daniela 1:21

Ke e bi Daniela ke ne o but hnyi huna a bâni Koreso than.

Daniela 1:6

Ke wale unyidra, a hanen lakon Juda, Daniela, ke Hanania, ke Misaela, ke Azaria.

Daniela 2:25

Me haba Arioka ame ie hum Daniela ka hnyi hnyimakan than, me ha helâng kâu, ka habe, Oge me wâ at a hanen bâ anyin at Juda, me ame he ka omanenâ bongon ka than.

Daniela 2:48

Me haba than ame ogöranyi Daniela, me ham kâu je bwihlany ae gan, me otilâ e he ka muso hnyei Babulona hia, me wia e me taben ae beönua hon tavat ae metâ hia hnyi Babulona.

Daniela 5:11

e hu ke at hnyi dokhom dokhu a e unyin hanon je khong ae kap; ke haba hnyi ûen kamâm, me adre me wâ unyin melam, ke wâ ûnykûme, ke metâ, helâ me metâ anyin je khong: ke haba Nebukaneza than a kamâm, wale than a kamâm bi, me e ame otilâ e hnân taben ka ta je magoi, ke tavat bihihwakecin, ke at Kaledaia, ke tavat tren khong;

Daniela 5:14

Oge hia but löng gam a e unyâm hanon je khong, ke adre me wâ melam unyâm, ke wâ ûnykûme, ke metâ ae beönua.

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Daniela 5:2

Hnyi ûen e ame ic waina Belesaza ame ûkhûnöng he ka hom je kaia gol me sileva, waleji a hûgûnâ Nebukaneza a kamen ûnyi hnyi hnyin uma kap e Jerusalema; me me ic kâu than, me anyin je taben, me laâiân, me anyin je momo.

Daniela 6:13

Me adre me thu me ha ka than, ka habe, Haba Daniela hanen je bâ anyin at Juda, me e ame ca outö u, than, me hnanyibu u je set iâm hnyin, ke e ame ibi okun sumâtâ ta je ûnyi hnyi je bong.

Daniela 8:1

HNYI huna a kuniny musi anyi Belesaza than, a o thö hna omanenâ könya, wale könya Daniela, hwaban hnok hna wâ a bân.

Daniela 8:27

Ke inya Daniela oge me ta hnyikânâi me mok hnyi ke je bong; me oge me todrö me mâdrâ huliwa anyin than: ke oge me lâiâ hna omanenâ, ke ba at ame wâ ûnykûme.

Ioane 7:1

HWABAN e Iesu ame vheno Galilaia: anyin ae ca weny bi he ka vheno Juda, anyin a at Juda adre me heleû deny he ka hlingâ e.

Ioane 7:3

Me ame ka kâu liamekeiny mē, ka habe, Hna but dok ang, ke he thö Juda ai, me me wâ thö hnen latâm ta je huliwa u me ânyâ.