Daniela 5:12 - Iaai Bible 1901 (New Caledonia)

¹² anyin adre me wâ hnyok ae beönua unyi Daniela eling, ke wâhmakhmeto, ke wâ ûnykûme, kʼ ame omanenâ bongon je bwi, kʼ ame wia je hofuc ae iyong, ke thang ta je vhet, ke haba than ame hwenyi ien e me Beletisaza. Ke walang, e so he ka hum Daniela, me ame he ka omanenâ bongon.

Daniela 5:12 Iomraidhean Croise

Salamo 16:3

Ke haba tavat ae kap eang hmeledrany, Ödra tavat ae beönua soidra, wale oge me ti senyin kodra.

Ta je Vejec 12:26

Haba at ae wisa, me ame kû gethen ka lahanen: Ke haba gethen deny tavat ae kong, me ame omonu ödra.

Ta je Vejec 17:27

Haba at ame takoû hwan ta je hofuc, me ame wâhmakhmeto: Ke haba at ae menyik hnyekon, me at ame wâ ûnykûme.

Ezekiela 28:3

ke wâ bi, u at ae metâ hu Daniela; ke ba ke ûnyi ae iyong adre me ikhâlâ gam:

Daniela 1:17

Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Daniela 1:7

Ke haba tuhan je eunuka ame hwenyi iödrin: ke e ame hwenyi iö Daniela, me Beletisaza; ke Hanania, me Saderaka; ke Misaela, me Mesaka; ke Azaria, me Abedengo.

Daniela 2:26

Ke haingen than kö Daniela, adre hwenyi ien Beletisaza, ka habe, Hawa, e khanö u he ka omanenâ könya bwik bwi oge me bwo me bongon e?

Daniela 4:19

Me ame hlohlo Daniela, Beletisaza ke ien, hnyi ong ûen, ke ame ohmâkâ e hnen je hna ûnykûme. Me ame ha than, ka habe, Beletisaza lö, ca he ka hmak ge bwi me bongon e. Ke haingö Beletisaza, ka habe, thân lö, e na ödrin ju tavat adre me hûkötiö u bwi e, ke e na ödra ju je iwahnaihmiony möu bongon e.

Daniela 4:8

Ke hwaban e ame o but könya Daniela, ke ien Beletisaza, kʼ adre tha ien me anyik khong, ke e unyin hanon je khong ae kap: me oge me ha kâu bwi me ha, ka habe,

Daniela 5:14

Oge hia but löng gam a e unyâm hanon je khong, ke adre me wâ melam unyâm, ke wâ ûnykûme, ke metâ ae beönua.

Daniela 5:16

Ke oge me löng gam a e khanö u he ka omanenâ bongon, me thang ta ja vhet: ke walang a ne khanö u he ka aû hna sihnalimen, me omanenâ könya bongon, me adre me he ka okhaûo u ge ûkhaû ae udrudrâ hlit, me ovhekinyi u ge sawakiny gol, ke u me he ka at a kuniny bi unyin je musi hnyi dökhu.

Daniela 6:3

Ke adre me oûnyihnathu Daniela hon ke li at musi ae beönua ke tavat musi ae gan, anyin a e unyin hanon ae ti so; ke ûnykûmenen than he ka otilâ e hon dökhu hia.

Daniela 6:4

Ke haba ke li at musi ae beönua ke tavat musi ae gan, me adre me elâm can ga Daniela ûnyi hnyi dokhu; ke ca khanʼ ödra he ka wâ ke can ke hulo: anyin a e hnathu, ke ba monu ke kongon adre me wâ gan.

Kolose 1:29

ke wale hnok minya hna huliwa ka hnyin, kʼ oge me ûjöng hmonyin hoton anyin huliwa, wale ame hwege huliwa eû hnyi hnyik.