Daniela 4:7 - Iaai Bible 1901 (New Caledonia)

⁷ Me ame o könya ta je magoi, ke tavat bihihwakecin, ke at Kaledaia, ke tavat tren khong: me oge me ha bwi hnyi hnyimakodra; ke adre me ca omanenâ könya bongon.

Daniela 4:7 Iomraidhean Croise

Genese 41:24

ke haba je wan hwit ae kong ame han je wan hwit a seven ae so: ke oge me omanenâ e ka je magoi; ke ba at ae khana omanenâ bongon könya.

Genese 41:8

Ke haba hnyi hnyomakatu me ame hmak hnyekon; me e ame ûkhûnöng ka hawâ ta je magoi Aigupito hia me tavat ae metâ hia: ke Farao ame aû gaga ködrin bwiny; ke ba at ae khana he ka ha bongon kö Farao.

Salamo 37:35

Oge me hia but wâ at ae kong hnyi maniny man ae gan, Kʼ ame okhulelauâ helâ me ûö ae hât hnyi kânân kânâ.

Isaia 44:25

inya at ame oûnyibaûâ je haten anyin tavat ae thoi, me omono tavat bi khong; me ohmeto tavat ae metâ, me omono anyidra wâhmakhmeto:

Ezekiela 31:3

Wâ bi, haba at Asuria, me arasiny Lebanona ae hmanenang anginy, ke gan hmenon, ke beû göranyai, ke haba ban, me walethö hnyi je ûlâ.

Daniela 1:4

a je thoth ae ba hnyikongudrin, hnyat ae hmanenang he ka wâ, ke hnyat ae khanʼ ödrin je metâ hia, kʼ ödrin e wâhmakhmeto, ke tremângâ je hna ûne, hnyat ae ûcû he ka tot hnyi uma umen than; me hamen be ka nʼ ödrin ge ûne ke hwen Kaledaia.

Daniela 2:10

Me haba at Kaledaia adre me thu hnyi hnyimakan than, ka habe, E ba at eang hmeledrany ae khana he ka omanenâ ûnyi anyin than; anyin ae ba than, ke taben, ke at musi ame hia but elâm ûnyi a helâe unyin je magoi ke tavat bibihwakecin ke at Kaledaia.

Daniela 2:27

Me Daniela ame thu hnyi hnyimakan than me ha, ka habe, Haba ûnyi ae iyong wale u je elâm, than, ke ca khana bi tavat ae metâ, ke tavat bihihwakecin, ke je magoi, ke tavat tren khong he ka omanenâ ka than;

Daniela 2:7

Me adre me thu hmetu a loiny me ha, ka habe, E so ame he than ka ha bwi ka lathnyabaem, mʼ öhmun e he ka omanenâ bongon e.

Daniela 3:8

Anyin a wale hnyi ûen eling ame hakekeny keihen at Kaledaia, me khûâ at Juda.

Daniela 4:18

Wale bwik waleji oge bwo, inya Nebukaneza than: ke hamâm Beletisaza he ka omanenâ bongon könya, anyin ae ca khana bi tavat hia ae metâ hnyi dökhuk dokhu he ka omanenâ könya bongon; ke e khanö u, anyin a e unyâm hanon je khong ae kap.

Daniela 5:7

Haba than ame ha hwegiâ he ka hom tavat bihihwakecin, me at Kaledaia, me tavat tren khong. Ke than ame ha ka tavat metâ hnyi Babulona, ka habe, Haba at ama aû hna sihnalimen ang, me omanenâ könya bongon e, me adre me he ka okhavâ ge ûkhaû ae udrudrâ hlit, ke ovhekinyâ ge sawakiny gol, ke e ame he ka tot me at a kuniny unyin je musi hnyi dokhu.

Daniela 5:8

Ke ame o but tavat metâ hia anyin than: ke ca khanʼ ödrin he ka aû hna sihnalimen, me omananâ bongon ka than.