Daniela 4:6 - Iaai Bible 1901 (New Caledonia)

⁶ Anyin a wale oge me otilâ hnanyibu he ka hom könya tavat metâ hia hnyi Babulona, me me hamödra he ka omanenâ bongon bwi.

Daniela 4:6 Iomraidhean Croise

Esodo 7:11

Me haba Farao ame hawâ tavat metâ me tavat tren khong: me haba odrin minya a je magoi hnyi Aigupito odrin e ânyâ helâe ge anyidrin je bibihwakeoin.

Isaia 8:19

Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Daniela 1:17

Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Daniela 2:2

Me haba than ame ûkhu-nöng he ka hom je magoi, ke tavat bihihwakecin, ke tavat tren khong, ke tavat Kaledaia, he ka omanenâ ka than je bwiny. Me ödrin e o but me tot hnyi hnyimakan than.

Daniela 2:48

Me haba than ame ogöranyi Daniela, me ham kâu je bwihlany ae gan, me otilâ e he ka muso hnyei Babulona hia, me wia e me taben ae beönua hon tavat ae metâ hia hnyi Babulona.

Daniela 4:15

Ke so bi hnen ju hnyiban e ke iwân eû hnyi kânâ, ke ohmâ ju e ge je tö fao ke bras, hnyi hna önying ae hât hnyi kânâ; ke so e ame khubet ge dân hau ûnyi hnyi drany, ke so e ame he ka tha jekhon me ta je menoiny hnyot hnyi hna önying:

Daniela 5:11

e hu ke at hnyi dokhom dokhu a e unyin hanon je khong ae kap; ke haba hnyi ûen kamâm, me adre me wâ unyin melam, ke wâ ûnykûme, ke metâ, helâ me metâ anyin je khong: ke haba Nebukaneza than a kamâm, wale than a kamâm bi, me e ame otilâ e hnân taben ka ta je magoi, ke tavat bihihwakecin, ke at Kaledaia, ke tavat tren khong;

Daniela 5:7

Haba than ame ha hwegiâ he ka hom tavat bihihwakecin, me at Kaledaia, me tavat tren khong. Ke than ame ha ka tavat metâ hnyi Babulona, ka habe, Haba at ama aû hna sihnalimen ang, me omanenâ könya bongon e, me adre me he ka okhavâ ge ûkhaû ae udrudrâ hlit, ke ovhekinyâ ge sawakiny gol, ke e ame he ka tot me at a kuniny unyin je musi hnyi dokhu.