Daniela 4:27 - Iaai Bible 1901 (New Caledonia)

²⁷ Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Daniela 4:27 Iomraidhean Croise

Genese 11:4

Ke adre me ha, ka habe, E so ate me otilâ ke taun, me tap ae beû hmâ bân hnyi dranyai, mʼ ate me ölungâ iöta; wâ adre nye ovesei ota hnyi hmeledrany hia.

I. Je Than 21:29

Hawa, u je wâ but a Ahaba ame oûhnyûkongo e bi hnyi hnyimakök? awe, anyin a e ame oûhnyûkongo e hnyi hnyimakök, me oge me ca he bi nya ka oâ ûnyi ae kong hnyi bongon ta je bong: ke o ge me he bi nya ka oâ ûnyi ae kong ka anyin lap hnyi ta je bong bongon nokon.

Salamo 119:46

Oge me he minya ka ûhnenamö hnyi hnyimakan je than hnâm ta je hna ohnathoâ, Ke oge me ca he ka hmehma.

Ta je Vejec 11:2

E ka o but bi gan, me ame o but hmehma: Ke e unyin tavat ae hnyikânâ bi, metâ.

Ta je Vejec 16:6

Ame he ka hneû degecâ hulo hnen ibetengiö me hnathu: Kʼ ame he tavat ka hota hulo ge ot kö Iehova.

Ta je Vejec 28:13

Haba at ame ikhâlâ hnen je hna hanyâûâ, me ame ca he ka sot: Ke adre me he ka betenge ge at ame omanenâ me degecâ.

Isaia 10:13

Anyin a haingen, ka habe, Oge hia but ânyâ e ge hnyamok ae hwege, me anyik metâ; anyin a inya at wâ wia: ke oge hia but wia je hnyigöulen ta je hnyei, me hûgûnâ ta je tang omjehedra, me ohnyikânâ tavat adre me tabâ je theron helâ me at hwege:

Isaia 47:10

Anyin a u je hia but labageju ka ânyâm je hulo; u je ha, ka habe, E ba at ame ö nya; ame omono u hnen ânyâm metâ me ânyâm wâhmakhmeto: ke u je ha eû hnyi hnyekom, ka habe, Inya thibi, ke ba minya ju ke at.

Isaia 47:8

Ke walang ang, long ju ang, u at ame labö hnu hoton je senyin, at ame laba khötkic, at ame ha eû hnyi hnyekon, ka habe, Inya thibi, ke ba ju ke at; oge me ca he ka laba helâ me safac, ke haba khaca oge me ca he ka wâ ba nokon:

Jeremia 29:7

Ke elâm dö hnahicin taun waleji oge ûkhûnöng he ka hum öbun ka hnyin, ke hic dö kö Iehova hobi kâu e: anyin a hnyi hnahicin e, öbun e he ka hnyi hnahic.

Jeremia 38:20

Ke haingö Jeremia, ka habe, Adre me ca he ka hnö u. Ö u löng ju walang ang hofuc ho Iehova, wale oge me ha köu, me me he ka hu so gam, ke u me he minya, ka mot.

Ezekiela 18:7

ke ame ca iyawâ ke at, ke ame ohmetoâ haten ka at ame me hom omjeû gan, ke ame ca hûgûnâ ta je ûnyi anyin ke at, ke ame hûn at ae mekihnânem, ke ame okhavâ at ae ba ûkhaû:

Ezekiela 29:3

ha thö, ke habe, Walang hna ha hnen Than Iehova, ka habe, Wâ bi, ûcûk u, Farao than Aigupito, a tanimo ae gan at ame laba hnyi je wagewiny, at ame hia but ha, ka habe, Haba anyik wagewe me ka anyik bi, ke oge me ka op e hobi könya bi.

Ezekiela 29:9

Ke ame he ka wau hnyei Aigupito me ba aten; ke adre me he ka wâ a inya Iehova: anyin a e ame ha, ka habe, Anyik bi wagewe, ke oge hia but op e.

Joela 2:14

E khanö ia, a gʼ ame ca he bi ka hmetu me ietra, me ip bi hnahic hwaban, wale hudiny han ke hudiny ic hobi kö Iehova Khongubun.

Amosa 6:13

öbun tavat öbun e hobâ ûnyi ae ba onyen me ha, ka habe, Hawa, ohmun e ca bi faoihmun meno ge tang hwegiöhmun?

Jona 3:9

E khanö ia, ame ne he Khong ka hwio me ietra, me degec anyin hmonyin ae gan, mʼ ate me ca he ka mok?

Habakuka 1:11

Me e ame he ka o helâ me ang me hanyâûâ, me me hu hulö kâu: wale at a haba tang hwegien me ûnyi ge khongon.

Zefania 2:15

Walang taun waleji ame senyin me laba wia, at ame ha eû hnyi hnyekon ka habe, Inya thibi, ke ba hmetu ke at: Ekölö, e ba but wan e, hnân mokut hnen je meno ae hiny! ame he tavat adre me he unyin ka jû, me nyinyikâ ban.

Mataio 3:8

Wa but öbun wan ae ûcû me ietra:

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Ta je huliwa 8:22

Anyin a wale ietra ju ânyâm monu eang, me hic ka Than, ame ne he bi ka thang ut köu ûnykûmenen hnyekom.

II. Korinito 5:11

Anyin ae khanʼ öhmun ûnyi hnân ootâ unyin Than, wale me öhmun e ûjeogö tavat, ke öhmun e manen dut ka Khong; ke ogeʼ me ûnykûme a öhmun manen dut minya hnyi je ûnykûmenöbun.

Galatia 5:13

Hnyat me lakeiny lö, adre hia but hawʼ öbun ka hnyi hna hna bâûâ; ke so bi ca he öbun ka wia hna hna bâûʼ öbun, me hnân hobi kâu unyin, ke ibiathnyabaköu ju hnyi ibetengiö.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Efeso 4:28

Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc.

Deuteronomi 24:13

Ke u me he ka ham hmetu kâu haten e ka didrut seûno, me me he ka tha mokut me khaûen bi me hahnahici u: ke wale hwakecâm ae wisa hnyi hnyimakö Iehova Khongom.

Deuteronomi 32:27

Ke so bi oge me outen hmönyin anyin iwahnaihmiony, Wâ e nye ca wâhmakhmeto iwahnaihmiöny mödra, Wâ adre nye ha, ka habe, Adre hia but hai hnyamöhmun, Ke Iehova ame ca ânyâ ta je ûnyi hia ang.

Deuteronomi 8:17

ke u je ne he ka ha eû hnyi hnyekom, ka habe, A o könya omjeû eang ûnyi ge manik man me tang hwegien hnyamok.

I. Peteru 4:8

ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.