Daniela 4:26 - Iaai Bible 1901 (New Caledonia)

²⁶ Ke haba hna hûna he ka hnen biju hnyiban ûö ke wân, me wale ame he ka hmâ köu dokhom dokhu, e ka khanö u thö a gʼ ame musi drany.

Daniela 4:26 Iomraidhean Croise

Daniela 2:18

mʼ ödrin e he ka sumâtâ betenge ûnyi ge Khongon drany hnyi ûnyi eling ae iyong; me me ca tha he Daniela me je lahanen ka mok tha ödrin me tavat ae metâ hnyi Babulona.

Daniela 2:19

Me adre me omanenâ kö Daniela hnyi hna omanenâ huyi lit ûnyi eling ae iyong. Me haba Daniela ame haisoâ Khongon drany.

Daniela 2:37

U than lö, thaniny ta je than, ke Khongon drany ame ham köu dokhu, me man, me tang hwege, me hmanenang;

Daniela 4:15

Ke so bi hnen ju hnyiban e ke iwân eû hnyi kânâ, ke ohmâ ju e ge je tö fao ke bras, hnyi hna önying ae hât hnyi kânâ; ke so e ame khubet ge dân hau ûnyi hnyi drany, ke so e ame he ka tha jekhon me ta je menoiny hnyot hnyi hna önying:

Daniela 4:23

Ke u je wâ than lö at hmâkâ me at ae kap ame utut ûheny hnyi drany me ha, ka habe, Sö but ûö, me ohia e; ke so bi hna biju hnyiban e me iwân hnyi kânâ, ke ohmâ ju e ge tö fao ke bras hnyi hna önying ae hât; ke e ame he ka khubet ge dân hau ûnyi hnyi drany, ke ame he ka tha jekhon me je menoiny hnyot, ke ne o but ame um dö je ûen a seven;

Daniela 4:31

Ke tiga e hofuc hnyi hnyimen than, me ame o but ke hofuc ûnyi hnyi drany, ka habe, Nebukaneza than lö, adre me ha köu ke hofuc: a gʼ adre hia but hûgûnâ dokhu gam.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Daniela 5:20

Ke hnyi ûen ame bi gan hnyekon, ke hwege hnyekon me me huliwa hnyi hop, me adre me ohnyikânâ e ûnyi hnyi hon theroniny dokhon dokhu, ke adre me hûgûnâ gan anyin hmanenang:

Daniela 5:21

ke adre obâ e unyin tavat; ke helâ but me je meno hnyekon, ke e ame tha laba me je asinainy hnyot; e ame han önying helâ me bolok, ke khubet unyin ge dân hau ûnyi hnyi drany: ke ne o but e ame wâ a gʼ ame musi Khong ae Beönua hnyi dökhu dokhon tavat, me e ame otilâ hon e hnen hna weny kâu.

Mataio 21:20

Ke a wâ but laten, me ödrin e lâiâ me ha, ka habe, E logot meleca thö imeta!

Mataio 5:34

ke inya bi oge me ha köbun, ka habe, Ca khemanyin bi he ka ha ge drany, anyin a theron e anyin Khong;

Luka 15:18

Oge ma tot me he kö cica, me ha kâu, ka habe, Cica lö, oge hia but monu ka hnyi drany me hnyimâkâm:

Luka 15:21

Haba nokon ame ha kâu, ka habe, Cica lö, oge hia but monu ka hnyi drany me hnyimâkâm, ke ca ûcû hmetu ka hawo nya me nokom.