Daniela 4:21 - Iaai Bible 1901 (New Caledonia)

²¹ ke hmanenang je lan, ke se hia je wan, ke hu han hnyin hobi kâu hia; ke je menoiny hnyot adre me laba hmelen, me je meno adre me gâ adre bi uma hnyi je anginy:

Daniela 4:21 Iomraidhean Croise

Salamo 104:17

Waleji hnen je meno ame gâ hna bi hâûödra hnyin: Haba kasida ame bi umen hnyi ta je kop.

Ezekiela 17:23

kʼ oge me he ka tä e hnyi bucen Isaraela ae beû: kʼ ame ke ka vhei je anginy, me wa, kʼ ame he bi ka arasi ae hmanenang: kʼ ame he ka laba eû hmelen ta je meno hia thithö ae ve man ûgâidra: adre me he ka laba hnyi hmenon je vheiny e.

Ezekiela 31:6

Haba ta je meno hia ame gâ ethö, adre me bi haûʼ ödra hnyi je vheiny, ke haba je menoiny hn yot hia adre me hnokoâ hmelen je vheiny, ke haba je hnyei hia ae gan adre me laba hnyi hmenon.

Daniela 2:38

Ke e ame hia but hna ka hnyi hnyamâm je menoiny hnyot, me je meno ame gâ ethö, hnyi je dok hia ame laba hnyin lakon tavat, ke e ame hna köu he ka musi ödra hia: haba u, waleji ban a gol.

Daniela 4:11

Ke ame kû thö ûö, ke hwege bi, ke haba ibeûen e, me ame o but hnyi drany, me e manen ke ne o but hnyi je can hmeledrany.

Daniela 4:20

Haba ûö u je wâ, waleji ame kû thö me hwege, me beû ke ne o but hnyi drany, me manen ka hmeledrany hia;

Daniela 4:22

than lö, u ling, anyin a u gan hmâ me hwege; ke ame kû gan ânyâm lung ke ne o thö hnyi drany, me ânyâm musi ke ne o but hnyi je can hmeledrany.

Luka 13:19

E ûcû me wan sinapi ame hom ke at me tā hnyi iny hnyei; me ame kû thö me hlau, me ûö ae gan hmâ but; me ame laba hnyi je anginy ta je meno ame gâ ethö.