Daniela 4:17 - Iaai Bible 1901 (New Caledonia)

¹⁷ Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 4:17 Iomraidhean Croise

I. Je Than 21:25

(Ke ba at helâ me Ahaba, wale ame ka ûco e he ka ânyâ hulö hnyi hnyimakö Iehova, kʼ ame âjöngö e âiân jia Jezebela.

II. Man Ûlabainy Je Than. 28:22

Ke haba hnyi ûen anyin vec, e ame ânyâ hmetu hwakecin ae kong kö Iehova, wale than Ahaza.

Salamo 103:19

A hia but Iehova ip hmâ anyin theron hnyi drany; Ke haba dokhon dokhu me ame muso hon ta je ûnyi hia thithö.

Salamo 12:8

Ame vheno je ke keihen hia hnen tavat ae kong, Ödra ka ogöranyâ hwakecin ae ikiki unyin lakon tavat.

Salamo 9:16

Ke haba Iehova ame omanenâ e bi, kʼ ame owisa: Kʼ ame hnok dö at ae kong ge huliwa anyin li hnyamen. [Higaiona. Sela.

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Isaia 6:3

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Isaia 6:8

Ke oge me long ifuci Iehova ame ha, ka habe, Oge me he ka kunö ia, ke ie at ame he ka he hobi kötin? Me oge me ha, ka habe, Inya ang; kunö nya thö.

Ezekiela 25:17

Ke oge me he ka ti bi hwaban kodra hnyi û ae hwege; ke adre me he ka wâ a inya Iehova, iny ka he ka bi hwaban ûnyi gak hnyi hudrin.

Ezekiela 7:24

Ke oge me he ka oâ tavat ae kong hmonyin hnyi je hnyei, ke adre me he ka hu umödra je uma: ke oge me he ka bi obiny hobelöuiny anyidra tavat hwege; ke adre me he ka oikikiâ anyidra je dok ae kap.

Daniela 11:21

Ke ame he ka tot hwaban e, at adre me hûkotiâ, waleji adre me tiga ca ham kâu hmanenanginy dokhu: ke e ame he ka o hnyi ûen ûsoköu, me hu dokhu ge hofuc ûtakû.

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Daniela 4:2

Oge me ûnykûme e so he ka omanenâ ta je haten me je ûnyi hnân lâiâ waleji a ânyâ könya Khong ae Beönua.

Daniela 4:25

a adre me he ka obö u unyin tavat, ke u me he ka tha laba me je menoiny hnyot, ke u me he ka han önying helâ me bolok, ke u me he ka kubet ge dân hau ûnyi hnyi drany, kʼ ame he ka seven je ûâm; ke ne o but ame khanö u thö a gʼ ame musi At ae Beönua hnyi dokhu dokhon tavat, kʼ ame ham e ka hnen hna weny kâu.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Roma 13:1

E SO ka tavat hia he ka long hoton ta je musi ae gan: anyin ae ba ke musi a ca ûnyi ge Khong; haba Khong ame otilâ ta je musi ehele.

I. Korinito 1:28

ke haba Khong ame ûca ta je ûnyi baû hnyi hmeledrany, me ta je hna hûkotiâ, me ta je ûnyi ae ba, he ka ohia ta je ûnyi ae manen:

I. Timoteo 5:21

Inya oge me hûna wia köu hnyi hnyimakan Khong, me Keriso Iesu, me ta je angela adre ûca, ka habe, u me he ka tuö ta je ûnyi eang, ke ca he ka wâhmakhmeto, me bi hien ke at bi.

Hna Omanenâ 4:8

Ke haba je ûnyi ae möt a vak, me ve hu gadrin je labenyidrin a siks, ke ödrin unöngöt hnyi je ke keihen ke eû hnyin ge je ecmak; ke ödrin e ca menâ hnyi lany me lit he ka ha, ka habe, E kap, e kap, e kap Than a Khong, At ae khana hia, waleji adrem, ke walang ang, ke ame he ka o.

I. Samuela 2:8

E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.