Daniela 4:14 - Iaai Bible 1901 (New Caledonia)

¹⁴ Me e ame hongot hwegiâ, ka habe, Sö but ûö, ke subâ but ta je anginy, ke jijingâ degecâ but je lan, ke ve khûâ je wan e: e so e kec ut ûnyi hnyi hmelen e ta je meno adre me he, ke je meno ame gâ ûnyi hnyi je anginy.

Daniela 4:14 Iomraidhean Croise

Jobu 24:20

Ame he hinyen ka hnying ut e; e hnebwia but e ka wahnyöng; Adre me ca he hmetu ka ûnykûme e: Adre me he ka thu hwakecin ae ca wisa helâ me ûö.

Jeremia 27:5

ka habe, Oge hia but op hmeledrany, wale at me meno hon hmeledrany hnen manik man ae gan hmâ me benyik ae lau; ke oge me ham e ka at ae ûcû könya.

Jeremia 51:6

Kec ut ûnyi hnyi Babulona, ke ve omeli öbun dö; ca he öbun ka hnyi mok hnyi anyin bi hulo: anyin a ûen dut ang bi hwaban ga Iehova; e ame he ka ham kâu hwaban.

Jeremia 51:9

Ate me beomeli Babulona, kʼ ame ca mot bi: hna but e, ke ate me he ka ve he ka hnyi ta je ita; anyin a haba hwaban bi, me ke ne o but ka hnyi drany, kʼ ame o but ka hnyi ta je ûlâ.

Ezekiela 31:10

Anyin a wale, walang hna ha hnen Than Iehova, ka habe, Anyin a u beû göranyai, ke e bi ban hnyi je ûlâ, ke ethö hnyekon hnyi ibeûen;

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Daniela 3:4

Me ame ha gânâ hnen at bi hnyimen musi, ka habe, Walang hnanyibu köbun tavat lö me je hnyei, me je ve hwen hnyei, ka habe,

Daniela 4:12

Ke e hmanenang je lan, ke se hia je wan, ke hu han hnyin e hobi kâu hia: ke haba ta je menoiny hnyot me adre me tung hmelen, ke haba je meno adre me gâ ethö, me adre me tabâ je anginy, kʼ adre me han ta je ûnyi hia ae möt ûnyi hnyin e.

Daniela 4:23

Ke u je wâ than lö at hmâkâ me at ae kap ame utut ûheny hnyi drany me ha, ka habe, Sö but ûö, me ohia e; ke so bi hna biju hnyiban e me iwân hnyi kânâ, ke ohmâ ju e ge tö fao ke bras hnyi hna önying ae hât; ke e ame he ka khubet ge dân hau ûnyi hnyi drany, ke ame he ka tha jekhon me je menoiny hnyot, ke ne o but ame um dö je ûen a seven;

Daniela 4:29

Ke hwaban je tehi a twelv e ame ngenu hnyi uma umen than e Babulona.

Daniela 5:20

Ke hnyi ûen ame bi gan hnyekon, ke hwege hnyekon me me huliwa hnyi hop, me adre me ohnyikânâ e ûnyi hnyi hon theroniny dokhon dokhu, ke adre me hûgûnâ gan anyin hmanenang:

Daniela 5:21

ke adre obâ e unyin tavat; ke helâ but me je meno hnyekon, ke e ame tha laba me je asinainy hnyot; e ame han önying helâ me bolok, ke khubet unyin ge dân hau ûnyi hnyi drany: ke ne o but e ame wâ a gʼ ame musi Khong ae Beönua hnyi dökhu dokhon tavat, me e ame otilâ hon e hnen hna weny kâu.

Mataio 3:10

Adre hia but walang ang ip giwa hnyi hwecin ta je ûö: haba ta je ûö hia ame ca wa so, me adre ma sö degecâ me khûâ ka hnyi meic.

Mataio 7:19

Haba ta je ûö hia ame wa kong, me adre me he ka sö degecâ, me khûâ but ka hnyi meic.

Luka 3:9

Ke walang ang adre hia but ip giwa hnyi hwecin ta je ûö; ke haba ta je ûö ame ca wa so bi, me adre me he ka sö degecâ me khûâ ka hnyi meic.

Hna Omanenâ 10:3

ke e ame ha hwegiâ helâ me ifucin liona: ke e ame fuc, me ame lung je hendreng a seven.

Hna Omanenâ 18:2

Ke e ame ha ge hwan ae hwege, ka habe, A ū but, a ū but Babulona ae gan, kʼ adre wia e hnân hnyaban ta je demoni, me uma umen ta je hanu hia ae kong, me uma umen ta je meno hia ame gâ ae ikiki kʼ adre hûkotiâ.