Daniela 4:13 - Iaai Bible 1901 (New Caledonia)

¹³ Wale ûnyi oge me wâ hon hnok hna mokut, ke wâ bi at hmâkâ ke e kap ame utut ûheny hnyi drany.

Daniela 4:13 Iomraidhean Croise

Jobu 12:24

E ame hom je hnyekon tavat ae beönua hnyi hmeledrany, Me kunʼ ödrin he ka vheno hnyebuba ae ba getheniny.

Salamo 103:20

Haisoi Iehova ju, öbun ta je angela unyin: Öbun hnyat ae man hnyi tang hwege, a hnyat ânyâ hwan hofuc, Me tevehlöng ifucin.

Salamo 89:7

Wale Khong adre outen hnyi ûkhacaköu anyin wakap, Me hnân outen hudra hia adre me laba igigilö e?

Daniela 4:10

Ke walang hnok hna wâ hon hnok hna mokut; Wâ bi, inya oge me wâ ûö hnyi wanben hmeledrany, ke beû hmonyin goranyai.

Daniela 4:17

Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 4:23

Ke u je wâ than lö at hmâkâ me at ae kap ame utut ûheny hnyi drany me ha, ka habe, Sö but ûö, me ohia e; ke so bi hna biju hnyiban e me iwân hnyi kânâ, ke ohmâ ju e ge tö fao ke bras hnyi hna önying ae hât; ke e ame he ka khubet ge dân hau ûnyi hnyi drany, ke ame he ka tha jekhon me je menoiny hnyot, ke ne o but ame um dö je ûen a seven;

Daniela 4:5

Oge me bwo bwi, me ame ooti nya; ke oge me hmak ge je hna ûnykûme hon hnok hna mokut, ke ta je ûnyi ae manen könya.

Daniela 7:1

HNYI huna a bâni Belesaza than Babulona, Daniela ame bwi, ke hu ûnyi ame manen kâu hon hnen hna mokut: me e ame sihnalimen bwi, me ha önyen ta je ûnyi.

Daniela 7:17

Haba ta meno ang ae gan a vak, me walödrin vak ta than, ödrin e he ka o ûnyi hnyi hmeledrany.

Daniela 7:23

Haingen, ka habe, Haba meno a vakiny me wale dokhu a vakiny eang hmelen, ae ve bongon bi me ta je dokhu hia, e ame he ka an hmeledrany hia me uto e, me thu omomono e.

Daniela 8:13

Ke inya oge me löng ke at ae kap ame fuc; ke ame fuc minya ke at ae kap ka at eji a bân ka fuc, ka habe, Ke ne o but kehö hna omanenâ ge hudiny leû adre me hudo bala, ke hna hanyâûâ wale at ame öba wan, a gʼ adre hna dok ae kap me utbavat minya, mʼ adre me uto ju?

Zakaria 14:5

Ke öbun e he ka kec me gethen hnyi hnyigöulen anyik je bucen: anyin ame he ka he ke ne o but hnyi Azale hnyigöulen je bucen: eke, öbun e he ka kec helâji me hnobun hna kec ge hwiöi hnyi je bong bongu Uzia than Juda: ke ame he Iehova Khonguk ka o, ke ame he ka tha o möu tavat hia ae kap.

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mareko 1:24

Iesu at Nazereta lö, ieû gam kohmun? hawa, u je o he ka ohiʼ ohmun? inya oge me wâhmakhmeto u, a u At ae Kap anyin Khong.

Luka 4:34

E, Iesu at Nazareta lö, u me hö e kohmun? u je o but he ka ohiʼ ohmun? inya oge me wâhmakhmetu u a u At ae Kap anyin Khong.

Deuteronomi 33:2

Ke e ame ha, ka habe, A o thö Iehova ûheny Sinai, Me köûö ködra ûheny Seira; E ame umumelam but ûheny hon bucen Parana, Ke e ame o ûheny je ten thauzan tavat ae kap: Ke e hnyi hnyamen a metân hnanyibu ae meic hobi ködra.

Juda 1:14

Ke haba Enoka, waleji a seveniny hwân ga Adamu, ame perofeta minya ka tavat ang, ka habe, Wâ ju ame he ka o Than tha e me anyin wakap a je ten thauzan,

Hna Omanenâ 14:10

wale at ame he minya ka ijem wainainy tang hmonyin anyin Khong, wale adre penapena ke adre me ca ûhaniken, hnyi kaiainy anyin tang hmonyin; ke adre me he ka ovecâ e hnen meic me teio hnyi hnyimakan ta je angela ae kap, ke hnyi hnyimakan Arenio: