Daniela 4:12 - Iaai Bible 1901 (New Caledonia)

¹² Ke e hmanenang je lan, ke se hia je wan, ke hu han hnyin e hobi kâu hia: ke haba ta je menoiny hnyot me adre me tung hmelen, ke haba je meno adre me gâ ethö, me adre me tabâ je anginy, kʼ adre me han ta je ûnyi hia ae möt ûnyi hnyin e.

Daniela 4:12 Iomraidhean Croise

Jobu 12:24

E ame hom je hnyekon tavat ae beönua hnyi hmeledrany, Me kunʼ ödrin he ka vheno hnyebuba ae ba getheniny.

Jobu 14:7

Anyin ae hu geju ka ûö adre sö, a e ame he ka kû hmetu, Kʼ ame ca he ka ba je khûen.

Jobu 14:9

Ke ame he ka kû hmetu e ka long köiö, Me khû helâ me ûö adre teb ta.

Je tenge anyi Jeremi 4:20

Haba hna menû hnyi je hnyingöihmun, wale a hû Iehova, me ame didrut hnyi anyidra je thop; Waleji at ohmun e ha gan, ka habe, Ohmun e he ka mot unyin je hnyei hnyi hmelen hmenon.

Ezekiela 17:23

kʼ oge me he ka tä e hnyi bucen Isaraela ae beû: kʼ ame ke ka vhei je anginy, me wa, kʼ ame he bi ka arasi ae hmanenang: kʼ ame he ka laba eû hmelen ta je meno hia thithö ae ve man ûgâidra: adre me he ka laba hnyi hmenon je vheiny e.

Ezekiela 31:17

Adre me tha ut minya mē ka hnyi hedis ka tavat adre me hlingâ ge hele vat; eke, tavat eji a hnyamen, wale tavat adre me laba hnyi hmenon hnyi wanben je hnyei.

Daniela 4:14

Me e ame hongot hwegiâ, ka habe, Sö but ûö, ke subâ but ta je anginy, ke jijingâ degecâ but je lan, ke ve khûâ je wan e: e so e kec ut ûnyi hnyi hmelen e ta je meno adre me he, ke je meno ame gâ ûnyi hnyi je anginy.

Mataio 13:32

wale thibi e wan ae ûhnyûkong hmelen ta je wan hia; ke hnyi ûen e ame kû thö me ame gan hmâ hon ta je ûö ae ometu, a ûö cici, me ûcû ka ta je meno ame gâ ethö he ka tabâ ta je vheiny.

Mareko 13:32

Ke haba bong me awa eling me ba at ae khana, e ca khana ta je angela hnyi drany, me Nokon, ke hake Kamen thibi.

Mareko 4:32

ke ödra ka hia but tā, me ame kû thö me gan hmâ but hon ta je ûö hia ae ometu, me ame vhei but je vheiny ae gan; me me khana ta je meno ethö ka tabâ hnyi hmenuiny.

Luka 13:19

E ûcû me wan sinapi ame hom ke at me tā hnyi iny hnyei; me ame kû thö me hlau, me ûö ae gan hmâ but; me ame laba hnyi je anginy ta je meno ame gâ ethö.