Daniela 3:6 - Iaai Bible 1901 (New Caledonia)

⁶ ke haba at ame ca he ka hnyi ta, me khudrung, me adre me he ka khûâ e hnyi awa eling ka hnyi thop ae möt hnyin meic.

Daniela 3:6 Iomraidhean Croise

Genese 19:28

ke e ame bwele Sodoma ai me Gomoroai me hnyei hia ae thahon, me wâ, ke wâ bi ame sâ göranyai hainy hnyei helâke hainy inyâ ji.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Isaia 44:17

ke haba kolon, e ame bi khong kâu, hnân anyin idola: e ame ta kâu me khudrung, me hic kâu, me ha, ka habe, Omeli nya thö; anyin a u khonguk.

Jeremia 29:22

Ke adre me he ka hom bongon hangâ gadru hnen ta je bâ hia thithö anyin at Juda a ödra hnyi Babulona me ha, ka habe, Ame be Iehova ka wiö u helâ me Zedekia, ke helâ me Ahaba, waleji a thong hnen than Babulona hnyi meic:

Daniela 2:5

Ke haba than ame thu me ha ka at Kaledaia, ka habe, E hia but gak ûnyi: ke öbun e ne ca he bi ka omanenâ könya bwi, ke bongon e, me adre me he ka subâ omomonu öbun, mʼ adre me he ka wia umöbun je uma me hnân digic thatûnyi.

Daniela 3:11

ke haba at ame ca he ka hnyi ta me khudrung, me adre me he ka khûâ ka hnyi thop ae möt ge meic.

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 3:21

Me adre me ca hnyat eling, ke hu tangen cadrin, ke hnabicödrin, ke ukot, ke je khaûödrin, me khûʼ ödrin ka hnyi wanben thop ae möt hnyin meic.

Daniela 3:7

Anyin a wale hnyi ûen tavat hia adre me long ifucin trutru, ke utkowi, ke kitara, ke saniter, ke ta je ûnyikhumöng hia, me ame ta hnyikânâi tavat hia, me je hnyei, me je ve hwen hnyei, me khudrung ka hnatheat gol a otilâ Nebukaneza.

Daniela 5:19

ke can hna oganâ e adre me ham kâu, me ame öbubuny me ot hnyi hnyimakan tavat hia, me ta je hnyei, me je ve hwen hnyei: e ame hlingâ hnen hna behlingâ, me omelo hnen hna beomelö; ke e ame ogânâ hnen hna beogânâ, me ohnyikânâ hnen hna beöhnyikânâ.

Daniela 6:7

Öhmun e hia but tha ûhnenamö a öhmun tavat musi hia ae beönua hnyi dokhu, ke je gavena, ke je musi ae gan, ke tavat ûhnenamö, ke je taben, hnân he ka otilâ hnanyibu anyin than, me ohmâ hna nyibon, ki habe, Haba at ame he ka sumâtâ ke ûnyi unyin ke khong me ke at ke ne o but hnyi je bong a thote, ke so bi köu thibi than, me adre me he ka khûâ ka hnyi op liona.

Mataio 13:42

me khûʼ ödrin ka hnyi thopiny meic: kʼ adre me he ka tenge me ûgiö ganyudra eling.

Mataio 13:50

me khûʼ ödra ka hnyi thopiny meic: adre me he ka tenge me ûgiö ganyudra eling.

Mataio 4:9

me e ame ha kâu, ka habe, Oge me he ka ham köu ta je ûnyi e, u je ne he bi ka nom me khudrung ju könya.

Mareko 6:27

Haba than ame ie kunâ ke soja hanen tavat tue, me hûna he ka hom ban: me e ame he but me subâ nyi Ioane hnyin uma ceat,

Hna Omanenâ 14:11

ke ame sâ goranyai nyiele balua hainy hna oveci ödra; ke adre me ca menâ bi hnyi lany me lit tavat adre me khudrung ka meno ke we e, me tavat hia adre me kap haten ien e.

Hna Omanenâ 9:2

me ame o thö hai ûnyi hnyi hmonop, helâ me hainy meic ae gan hmâ; me ame hlit ut seûno me ethö hnyi wanben ge hainy hmonop.