Daniela 3:26 - Iaai Bible 1901 (New Caledonia)

²⁶ Me haba Nebukaneza ame hakekeny ka hnyi hnyimen thop ae möt hnyin meic, me ha, ka habe, E, Saderaka, me Mesaka, me Abedenego, je athnyabainy Khong ae Beönua, ai öbun, kâ âng. Me ame didrut Saderaka, me Mesaka, me Abedenego ûnyi hnyi hnyin meic.

Daniela 3:26 Iomraidhean Croise

Genese 14:18

Ke haba Melekisedeke than Salema ame hok areto me waina: ke e at bi hut ka Khong ae Beönua.

I. Je Than 8:51

anyin a lakem me em hnyei ödrin, waleji u je hom ûheny Aigupito, ûnyi hnyi meic hnân leû fao:

Ezera 5:11

Ke ödrin e thu kohmun helang, ka habe, Öhmun je athnyabainy Khongon drany me hmeledrany me öhmun e op uma waleji adre op ehac ae se hia je hunainy, waleji hnen ke than Isaraela ae gan hmâ hna op me umo.

Salamo 66:12

U je kunâ tavat he ka tabâ je böhmun; Ohmun e vheno meic me köiö; Ke so bi u je oi öhmun ka hnyi dok ae widrany.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Jeremia 11:4

waleji oge hûna ka lakamöbun, hnyi bong oge hum ödra hnyin ûnyi hnyi hnyei Aigupito, ûnyi hnyi hnyin meic fao me ha, ka habe, Long ju ifucik, me ânyâ thö hoton hnok hna hûna köbun; me öbun e he ka lakeik, ke oge me he inya ka Khongubun:

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 4:2

Oge me ûnykûme e so he ka omanenâ ta je haten me je ûnyi hnân lâiâ waleji a ânyâ könya Khong ae Beönua.

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Daniela 6:21

Me Daniela ame thu ka than, ka habe, Than lö, e so u möt nyiele balua.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Ta je huliwa 16:17

Kʼ ame he hotu Paulo hlu eling, me ohmun, kʼ ame ha hwegiâ, ka habe, Lathnyabainy Khong ae beönua hnyat ang, tavat adre me haimemenâ köbun gethen deny möt.

Ta je huliwa 16:37

Ke haba Paulo ame ha ködrin, ka habe, Adre hia but kucʼ ohmun hnyi hnyimakan tavat, kʼ at tiga ca hnei öhmu, a li at Roma ohmu, ke adre hia but cʼ öhmu; ke walang ang, adre me he ka obʼ ʼöhmu duöngi öhmu? ohe; e so adre me he jem he ka hum öhmu hnyou ai.

Ta je huliwa 27:23

Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu,

Galatia 1:10

Anyin a walang ang, hawa, oge me huliwan at, hawa, Khong ke hawa, inya oge me elâm he ka osenyinâ at? anyin oge ne labö osenyinâ at, mʼ iny ca athnyabai Keriso bi.

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Josua 3:17

Ke ame tot me ca bwebwet tavat bihut, hnyat ödrin e vadren tangen ûhihinyköu anyi Iehova, hnyi dok ae mada, wanben Joridano, ke adre me he hanyâûâ hnyi dok ae mada a at Isaraela hia thithö ke ne o but ame hanyâûâ Joridano haen tavat hia.

Josua 4:10

Anyin a haba hnyat bihut, wale hnyat vadren tang, me ödrin e tot hnyi wanben Joridano, ke ne o but adre umo hia waleji a hûna Iehova kö Josua he ka ha ka tavat, helâ me Mose ame hûna kö Josua: ke haba tavat adre me mweimwei me hanyâûâ.

Hna Omanenâ 19:5

Me ame o but hofuc ûnyi hnyi theron, ka habe, Ogânâ thö Khonguta öbun je lathnyabainy, me tavat adre me outen e, tavat ae ûhnyûkong, me tavat ae gan.