Daniela 3:25 - Iaai Bible 1901 (New Caledonia)

²⁵ Me e ame thu me ha, ka habe, Wâ bi, oge me wâ hnyat a ödrin vak kʼ adre thang bi, ödrin e ngenu hnyin meic, kʼ ödrin e ca kong bi; ke haba unyin at a vakiny, me helâ me unyin ke khong.

Daniela 3:25 Iomraidhean Croise

Jobu 1:6

Ke ame o but ke bong wale ame o hnyin lakon Khong he ka tot hnyi hnyimakö Iehova, kʼ ame tha o but Satana mödra.

Jobu 38:7

Hnyi ûen ame tha khumöng je okhû lany, Kʼ ame hongot senyin lakon Khong hia?

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Salamo 34:7

Ame hunuma angela anyi Iehova igigilo tavat adre me outen e, Me omeli ödra.

Ta je Vejec 30:4

Ie at ame ölö hnyi dranyai me ut hmetu but? Ie at ame ûkhöûnâ ang hnyi li hnyamen? Ie at ame lan köiö hnyi ûkhaûen? Ie at ame otilâ hia je can hmeledrany? Ia ien ke ia ien nokon ame ne khanö u?

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Jeremia 1:19

Ke adre me he ka vat möu; ke adre me ca he ka hwege hom; anyin a tha inya möu he ka omeli u, haingö Iehova.

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Jeremia 15:21

Ke oge me he ka hûgûnö u ûnyi hnyi hnyamen tavat ae kong, ke oge, me he ka ûco melam ûnyi hnyi hnyamen tavat a ödra wathethot.

Daniela 3:18

Ke so bi a ne ba, me wâhmakhmetoâ ju than a ohmun e ca he ka bi athnyaba je khongom, me khudrung ka hnatheat gol u je otilâ.

Daniela 3:24

Me ame uthmâhmâ Nebukaneza than, me ie tot: me e ame thu me ha ka anyin tavat ûhnenamö, ka habe, Hawa, otin e ca khûâ kun ta hnyat adre ca ka hnyi meic? Me adre me thu me ha ka than, ka habe, E, than.

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Daniela 6:23

Me haba than ame senyin gan hmâ, me ûkhûnöng he ka öû Daniela ûnyi hnyi thop. Me adre me öû Daniela ûnyi hnyi thop, ke ba aat adre me wâ gan, anyin a e ame labageju ka Khongon.

Mareko 16:18

adre me he ka kât je on, ke adre ne ijem ke ûnyi hnân mekiny, me ame ca be ka okongu ödrin; adre me he ka ip je hnyamödrin hon ta je komok, me ame he ka möt dö.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Ta je huliwa 28:5

Ke e ame nyikâ degecâ on ka hnyi meic, ke ba bi ûnyi ae kong a o kâu.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

I. Peteru 3:13

Ke ie at ame he ka okongu öbun, öbun e ne hwege ka hnyi so?