Daniela 3:24 - Iaai Bible 1901 (New Caledonia)

²⁴ Me ame uthmâhmâ Nebukaneza than, me ie tot: me e ame thu me ha ka anyin tavat ûhnenamö, ka habe, Hawa, otin e ca khûâ kun ta hnyat adre ca ka hnyi meic? Me adre me thu me ha ka than, ka habe, E, than.

Daniela 3:24 Iomraidhean Croise

II. Man Ûlabainy Je Than. 22:4

Ke e ame ânyâ hulo hnyi hnyimakö Iehova, helâ me lap anyi Ahaba: anyin a ödrin je hnyat ûsabö më hwaban mok anyin kamen, me e ame kong ut.

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 3:23

Ke haba hnyat eling a kun, wale Saderaka, ke Mesaka, ke Abedenego, me ödrin e ta adre me cʼ ödrin ka hnyi thop ae möt hnyin meic.

Daniela 3:25

Me e ame thu me ha, ka habe, Wâ bi, oge me wâ hnyat a ödrin vak kʼ adre thang bi, ödrin e ngenu hnyin meic, kʼ ödrin e ca kong bi; ke haba unyin at a vakiny, me helâ me unyin ke khong.

Daniela 4:22

than lö, u ling, anyin a u gan hmâ me hwege; ke ame kû gan ânyâm lung ke ne o thö hnyi drany, me ânyâm musi ke ne o but hnyi je can hmeledrany.

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Daniela 5:6

Me ame hwio hnyimakan than, ke ame ohmakâ e hnen je ûnykûmenen; ke ame memen dut je jeien hnyin, ke ame öbubuny but li boucan.

Daniela 6:22

Haba Khonguk ame kunâ anyin angela, me obuhlumo hnyimen je liona, mʼ adre me ca okongu nya: anyin adre me wâ ae ba hnyikonguk hnyi hnyimakan: ke haba khaca, than lö, e ba monu oge me ânyâ hnyi hnyimâkâm.

Daniela 6:7

Öhmun e hia but tha ûhnenamö a öhmun tavat musi hia ae beönua hnyi dokhu, ke je gavena, ke je musi ae gan, ke tavat ûhnenamö, ke je taben, hnân he ka otilâ hnanyibu anyin than, me ohmâ hna nyibon, ki habe, Haba at ame he ka sumâtâ ke ûnyi unyin ke khong me ke at ke ne o but hnyi je bong a thote, ke so bi köu thibi than, me adre me he ka khûâ ka hnyi op liona.

Ta je huliwa 12:13

E ame tiga seseto hlinginy hwanuma, me ame o but ke hlu he ka wâ, Roda ien.

Ta je huliwa 26:13

ke hnyi jebigo inya oge me wâ eû hnyi gethen melam ûnyi hnyi drany ae hadrö-ngöc hon seûno, ame umumelam igigili nya me hnyat ödrin e tha he mönya.

Ta je huliwa 26:27

Than Ageripa lö, hawa, u me kap je perofeta? e khanö nya a u me kap.

Ta je huliwa 9:6

todrö, be thö ka hnyi taun, ke adre me he ka ha köu hanymâm he ka ânyâ.

I. Samuela 17:55

Ke hnyi ûen Saulo ame ô Davita ame he ka ûkhanö me at Filisiti, me e ame ba kö Abinera taben anyin vat, ka habe, Abinera lö, nöku ia hidröu e? Haingö Abinera, ka habe, Kia inya than ae ca khanö nya.